යූරෝ ෆෝමියුලා විවෘත මෝටර් රථ තරගාවලියේ ඉතාලි අදියරේ දෙවැනි තරගයේ දෙවැනි ස්ථානය හිමිකර ගැනීමට ශ්‍රී ලංකා ක්‍රීඩක යෙවාන් ඩේවිඩ් සමත්වුණා.
ඒ අනුව, ඔහු මේ වනවිට ධාවකයින්ගේ ශ්‍රේණිගත කිරීම්වල දෙවැනි ස්ථානයේ පසුවනවා. යූරෝ ෆෝමියුලා විවෘත මෝටර් රථ තරගාවලිය අදියර 8 කින් සමන්විතයි.
එහි අටවන අදියර ඉතාලියේදි පැවැත්වෙනවා.පළමු තරගයේ 6 වැනි ස්ථානය හිමිකරගත් ශ්‍රී ලංකා ක්‍රීඩක යෙවාන් ඩේවිඩ් ඊයේ පැවති දෙවන තරගයේදි එහි දෙවැන්නා ලෙස තරගය අවසන් කිරීමට සමත්වුණා.
පළමු ස්ථානය හිමිකර ගනු ලැබුවේ පෝලන්ත ක්‍රීඩක ටිමෙක් කර්චසික් විසින්. අමෙරිකානු ක්‍රීඩක එවරේට් ස්ටක් තෙවැනි ස්ථානය දිනාගත්තා.
ඉතාලි අදියරේ අවසන් තරගය අද පැවැත්වීමට නියමිතයි. මේ වනවිට ධාවකයින්ගේ ශ්‍රේණිගත කිරීම් අනුව පළමු ස්ථානයේ පසුවන පෝලන්ත ක්‍රීඩක ටිමෙක් කර්චසික් හිමිකරගෙන ඇති ලකුණු සංඛ්‍යාව 359 ක්.
ශ්‍රී ලංකා ක්‍රීඩක යෙවාන් ඩේවිඩ් එහි දෙවැනි ස්ථානයේ පසුවන්නේ ලකුණු 321 ක් හිමිකර ගනිමින්.
