fifa ලෝක කුසලාන පාපන්දු තරගාවලියේ ආරම්භක තරඟයෙන් ගෝල දෙකට බිංදුවක් ලෙස ජය වර්තාා කිරීමට මෙක්සිකාව සමත් වුණා .
ඒ දකුණු අප්‍රිකාව පරාජය කරමින්.
තරගය නැරඹීම සඳහා ඓතිහාසික මෙක්සිකෝ සිටි ක්‍රීඩාංගණයට ලක්ෂ සංඛ්‍යාත ප්‍රේක්ෂක පිරිසක් පැමිණ සිටියා.
කණ්ඩායම් 48 ක සහභාගීත්වයෙන් පැවැත්වෙන මෙවර ලෝක කුසලාන තරගාවලියේ ‘A’ කාණ්ඩයේ පළමු තරගය ලෙසයි මෙය පැවැත්වුණේ.
තරගය ආරම්භයේ සිටම සත්කාරක මෙක්සිකෝ ක්‍රීඩකයින් දකුණු අප්‍රිකානු කණ්ඩායමට දැඩි පීඩනයක් එල්ල කළා.
එහි ප්‍රතිඵලයක් ලෙස තරගයේ 9 වැනි මිනිත්තුවේදී මෙක්සිකෝ ඉදිරිපෙළ ක්‍රීඩක ජූලියන් කිනෝනස් (Julián Quiñones), තරගයේ පළමු ගෝලය වාර්තා කලා.
ඒ අනුව පළමු අර්දය නිමාවුණේ ගෝල 1-0 ක් ලෙස මෙක්සිකෝව පෙරමුණ ගනිමින්
තරගයේ දෙවන අර්ධයේදී ද සිය ආධිපත්‍යය අඛණ්ඩව පවත්වාගෙන යාමට මෙක්සිකෝව සමත් වුණා.
හිදී රොබර්ටෝ අල්වරාඩෝ (Roberto Alvarado) වෙතින් ලැබුණු විශිෂ්ට පන්දු යොමු කිරීමක් (Assist) ඉතා සාර්ථකව ගෝලයක් බවට පරිවර්තනය කිරීමට මෙක්සිකෝ කණ්ඩායමේ 9 අංක දරන සුපිරි ඉදිරිපෙළ ක්‍රීඩක රාවුල් ජිමිනෙස් (Raúl Jiménez) සමත් වුණා.
මෙම ගෝලයත් සමඟ මෙක්සිකෝව තරගයේ ලකුණු තත්ත්වය 2-0 ක් ලෙස ඉහළ නංවාගනිමින්, මෙවර ලෝක කුසලාන තරගාවලියේ තමන් ලැබූ පළමු ජයග්‍රහණය වාර්තා කලා.
තරගය අවසන් වන විට මෙක්සිකෝ කණ්ඩායම ක්‍රීඩකයින් 10 දෙනෙකු දක්වාත්, දකුණු අප්‍රිකානු කණ්ඩායම ක්‍රීඩකයින් 9 දෙනෙකු දක්වාත් සීමා වී තිබුණේ සමාරම්භක තරගයේදීම දෙපිලේම ක්‍රීඩකයින් තිදෙනෙකුට රතු කාඩ්පත් හිමිවීම හේතුවෙන්.
ලෝක කුසලාන තරගයකදී රතු කාඩ්පත් තුනක් හෝ වැඩි ගණනක් ලැබුණු හත්වන අවස්ථාව මෙය වන අතර, ආරම්භක තරඟයකදී පළමු අවස්ථාව මෙය ලෙස ඉතිහාසයට එක් වනවා.
