පොලිස් පාපැදි සවාරියේ දෙවන අදියර අද දඹුල්ල පොලිස් ස්ථානයෙන් ආරම්භ වී පුත්තලම නගරය දක්වා පැවැත්වෙනවා.
එහි අදියර ජයගැනීමට ශ්‍රී ලංකා යුද හමුදාවේ පැතුම් වීරසිංහ සමත්වුණා.
ශ්‍රී ලංකා පොලිසියේ 160 වැනි සංවත්සරයට සමගාමීව පොලිස් පාපැදි සවාරිය පැවැත්වෙනවා.
ඊට එක්ව සිටින තරගකරුවන් සංඛ්‍යාව 150 ක්.
කොළඹ පොලිස් මූලස්ථානය අසලින් ඊයේ උදෑසන මෙහි පළමු අදියර ආරම්භ කෙරුණා.
පෑලියගොඩ, නිට්ටඹුව, වරකාපොල, කුරුණෑගල, මැල්සිරිපුර හරහා දඹුල්ල නගරය වෙත පැමිණීමෙන් අනතුරුවයි පළමු අදියර අවසන් වුනේ.
පැතුම් වීරසිංහ එහි ප්‍රථම ස්ථානය දිනාගත්තා. දෙවැනි ස්ථානය දෙහිවල ගල්කිස්ස මහනගර සභාවේ චතුර මධුෂාන් ක්‍රීඩකයාට හිමිවුණා. තුන්වන ස්ථානය දිනාගත්තේ ශ්‍රී ලංකා ගුවන් හමුදාවේ චමෝද් ද සිල්වා ක්‍රීඩකයායි.
එහි දෙවැනි අදියර දඹුල්ල පොලිස් ස්ථානය අසලින් අද උදෑසන ආරම්භ වුනා. මරදන්කඩවල, තිරප්පනේ, අනුරාධපුරය, නොච්චියාගම, කලාඔය හරහා පුත්තලම නගරයෙන් දෙවන අදියර අවසන් වනවා.
