අයි පී එල් 2025 තරගාවලියේ ඊයේ දින පැවති රාත්‍රී තරගයෙන් කඩූලු 10ක විශිෂ්ට ජයක් ලැබීමට ගුජරාට් ටයිටන්ස් කණ්ඩායම සමත් වුණා. ඒ දිල්ලි කැපිටල්ස් කණ්ඩායමට එරෙහිවයි.
පළමුව පන්දුවට පහරදුන් දිල්ලි කැපිටල්ස් කඩූලු 3ක් දැවී ලකුණු 199ක් ලබාගත්තා. කේ එල් රාහුල් නොදැවී ලකුණු 112ක් ලබාගත්තා.
පන්දු යැවීමේදී ගුජරාට් ටයිටන්ස් වෙනුවෙන් අර්ශාද් කාන්, ප්‍රසිද් ක්‍රිෂ්ණා හා සායි කිෂෝර් එක් කඩුල්ල බැගින් ලබාගත්තා.
පිළිතුරු ඉනිම ක්‍රීඩා කළ ටයිටන්ස් කණ්ඩායම පන්දුවාර 19ක් අවසානයේ කිසිදු කඩුල්ලක් නොදැවී ලකුණු 205ක් ලබාගෙන තරගය ජයගත්තා.
සායි සුදර්ෂන් නොදැවී ලකුණු 108යි. නායක ශුබ්මාන් ගිල් නොදැවී ලකුණු 93යි.
මෙම ජයග්‍රහණයත් සමග ගුජරාට් ටයිටන්ස් කණ්ඩායම ප්‍රසාද ලකුණු සටහනේ ප්‍රථම ස්ථානයට පැමිණි අතර ඔවුන්ට තවත් ඉතිරිව ඇත්තේ තරග දෙකක් පමණයි.
