සංචාරක දකුණු අප්රිකානු කණ්ඩායමත් ඉන්දියාවත් අතර තරග දෙකකින් සමන්විත ලෝක ටෙස්ට් ශූරතා තරගාවලියේ පළමු තරගය ලකුණු 30කින් ජයගැනීමට දකුණු අප්රිකාව අද සමත් වුණා.
මුලින් පන්දුවට පහරදුන් දකුණු අප්රිකානු කණ්ඩායම පළමු ඉනිමට ලබාගත හැකි වුණේ ලකුණු 159ක් පමණයි. දකුණු අප්රිකානු පලමු ඉනිමේ වැඩිම ලකුණුලාභියා වූයේ ඒඩ්න් මාක්රම් ලකුණු 31ක් ලබාගත්තා.
ඉන්දියාව වෙනුවෙන් ජස්ප්රිත් බුම්රා කඩුලු 5ක් හා මොහොමඩ් සිරාජ් හා කුල්දීප් යාදව් කඩුලු 2 බැගින් දවාගත්තා.
ඉන්දීය කණ්ඩායම සිය පළමු ඉනිමට ලකුණු 189ක් ලබාගත්තා. කේ. එල්. රාහුල් ලකුණු 39යි.
දකුණු අප්රිකාව වෙනුවෙන් සිමෝන් හාමර් කඩුලු 4ක් හා මාර්කෝ යැන්සන් කඩුලු 3ක් දවාගත්තා.
දකුණු අප්රිකාව සිය දෙවන ඉනිමට ලකුණු 153ක් ලබාගත්තා. එහිදී ටෙම්බා බවුමා නොදැවී ලකුණු 55ක් ලබාගත්තා.
පන්දු යැවීමේදී රවීන්ද්ර ජඩේජා කඩුලු 4ක් හා කුල්දීප් යාදව් හා මොහොමඩ් සිරාජ් කඩුලු 2 බැගින් දවාගත්තා.
ඉන්දීය කණ්ඩායමට ජයග්රහණය සඳහා අවශ්යය වුනේ ලෞණු 124ක් පමණයි. කෙසේ වෙතත් ඉන්දීය දෙවන ඉනිමේ සියලු කඩුලු ලකුණු 93ට දවාගැනීමට දකුණු අප්රිකානු පන්දුයවන්නන් සමත් වුණා.
දකුණු අප්රිකාව වෙනුවෙන් සිමොන් හාමර් කඩුලු 4ක් හා මාකෝ යැන්සන් හා කේෂව් මහරාජ් කඩුලු 2 බැගින් දවාගත්තා.
ඒ අනුව මෙම තරගය ලකුණු 30කින් ජයගැනීමට දකුණු අප්රිකාව සමත් වුණේ, ලෝක ටෙස්ට් ශූරතාවයේ මෙම තරගය තරග 1-0ක් ලෙස පෙරමුණ ගනිමින්.
තුන්වන දිනයේදී අවසන් වූ මෙම තරගයේ වීරයා වූයේ සිමොන් හාමර්.
