ශූරයින්ගේ කුසලානයේ පළමු අවසන් පූර්ව තරගය ඉන්දියාව හා ඕස්ට්‍රේලියාව අතර ඩුබායි හීදී පැවැත්වුණා.
එම තරගයෙන් කඩුලු 4ක ජයක් ලැබූ ඉන්දියාව අවසන් මහා තරගයට සුදුසුකම් ලැබුවා.
කාසියේ වාසිය දිනූ ඕස්ට්‍රේලියා කණ්ඩායම මුලින්ම පන්දුවට පහරදුන්නා. ඕස්ට්‍රේලියාව පළමු ඉනිමට සියලු දෙනා දැවී ලකුණු 264ක් ලබාගත්තා.
ස්ටීවන් ස්මිත් ලකුණු 73ක් හා ඇලෙක්ස් කෙරී ලකුණු 61 ලබාගත්තා.
පන්දුයැවීමේ දී මොහොමඩ් ෂමී කඩුලු 3ක් හා වරුන් චක්‍රවර්තී හා රවීන්ද්‍ර ජඩේජා කඩුලු 2 බැගින් දවාගත්තා.
පිලිතුරු ඉනිම ක්‍රීඩා කළ ඉන්දීය කණ්ඩායම 49 වන පන්දුවාරයේදී කඩුලු 6ක් දැවී ලකුණු 267ක් ලබාගනිමින් ජයග්‍රහනය වාර්තා කළා.
විරාට් කෝලී ලකුණු 84ක්, ෂ්‍රේයස් අයියර් ලකූණු 45ක් හා ලොකේෂ් රාහුල් 42ක් ලබාගත්තා. පන්දු යැවීමේදී ඇඩම් සැම්පා සහ නේතන් එලිස් කඩුලු 2 බැගින් දවාගත්තා.
තරගයේ වීරයා විරාට් කෝලී.
මීළඟ අවසන් පූර්ව තරගය දකුණු අප්‍රිකාව සමග නවසීලන්තය අතර හෙට පැවැත්වීමට නියමිතයි.
