කාන්තා එක්දින ලෝක කුසලාන ක්රිකට් තරගාවලිය යටතේ මෙරටදී පැවැත්වෙන තරග අද ආරම්භ වනවා.
ඒ අනුව අද පළමු තරගය පැවැත්වෙන්නේ පාකිස්තාන සහ බංග්ලාදේශය අතරයි.
එය පස්වර් 3ට කොළඹ ආර්. ප්රේමදාස ක්රීඩාංගණයේ දී ආරම්භ වීමට නියමිතයි.
මෙරට දී පැවැත්වෙන සියලු තරග නොමිලේ නැරඹීමට ප්රේක්ෂකයින්ට අවස්ථාව හිමි වන අතර ක්රීඩාංගණයේ දොරටු සවස 1 සිට විවෘතව පවතින බව ශ්රී ලංකා ක්රිකට් ආයතනය නිවේදනය කලේ.
ශ්රී ලංකාවේ සහ ඉන්දියාවේ සම සත්කාරකත්වයෙන් පැවැත්වෙන කාන්තා එක්දින ලෝක කුසලාන ක්රිකට් තරගාවලිය සැප්තැම්බර් 30 වන දා ආරම්භ වුණා.
එය නොවැම්බර් මස 2වැනිදා දක්වා පැවැත්වීමට නියමිතය.
මේ අතර, කාන්තා එක්දින ලෝක කුසලාන ක්රිකට් තරගාවලියේ පළමු තරගයට ක්රීඩා කළ ශ්රී ලංකා සහ ඉන්දීය කණ්ඩායම් ඊයේ දිවයිනට පැමිණියා.
මෙම කණ්ඩායම් විශේෂ ගුවන් යානයකින් දිවයිනට පැමිණි අතර, ඔවුන්ව පිළිගැනීම සඳහා ශ්රී ලංකා ක්රිකට් ආයතනයේ නිලධාරීන් පිරිසක් කටුනායක ගුවන් තොටුපොළ වෙත පැමිණ සිටියා.
