සංචාරක බටහිර ඉන්දීය කොදෙව් කණ්ඩායම හා නවසීලන්ත කණ්ඩායම අතර ලෝක ටෙස්ට් ශූරතාවයට අනුගාමිකව පැවැත්වෙන ටෙස්ට් තරගාවලියේ පළමු තරගය ජය පැරදුමකින් තොරව අවසන් වුණා. තරගය පැවැත්වුණේ ක්රිස්ට්චර්ච් හීදී.
මුලින් පන්දුවට පහරදුන් නවසීලන්ත කණ්ඩායම සිය පලමු ඉනිම වෙනුවෙන් පළමු දිනයේදී කඩුලු 9ට ලකුණු 231ක් ලබාගත් අතර දෙවන දිනයේ ආරම්භක පන්දුවාරයේදීම ඉතිරි කඩුල්ලද දැවීගියේ මුලු ලකුණු සංඛ්යාව 231ක් ව තිබියදීයි.
නවසීලන්ත පලමු ඉනිම වෙනුවෙන් කේන් විලියම්සන් ලකුනු 52ක් හා මයිකල් බ්රෙස්වෙල් ලකුණු 47ක් ලබාගත්තා.
තරගයේ දෙවන දිනයේදීම, කොදෙව් කණ්ඩායමේ පළමු ඉනිමේ සියලු කඩුලු ලකුණු 167ට දැවී ගියා. ටගෙනරීන් චන්ද්රපෝල් ලකුණු 52ක් හා ෂේ හෝප් ලකුණු 56ක් ලබාගත්තා. පන්දු යැවීමේදී නවසීලන්තය වෙනුවෙන් ජේකබ් ඩෆී කඩුලු 5ක් දවාගැනීමට සමත් වුණා.
තරගයේ සිව්වන දිනයේ පළමු සැසියේදී නවසීලන්ත කණ්ඩායම කඩුලු 8ක් දැවී ලකුණු 466ක් ලබාසිටියදී සිය දෙවනි ඉනිම අත්හිටවනු ලැබුවා. නවසීලන්ත දෙවනි ඉනිම වෙනුවෙන් ටොම් ලේතම් ලකුණු 145ක් හා රචින් රවීන්ද්ර ලකුණු 176ක් ලබාගත්තා. පන්දු යැවීමේදී කෙමාර් රෝච් කඩුලු 5ක් ලබාගත්තා.
ඒ අනුව තරගය ජයහ්රගණය සඳහා කොදෙව් කණ්ඩායමට ලකුණු 531ක ඉලක්කයක් හිමිවුණා.
කොදෙව් කණ්ඩායම වෙනුවෙන් ෂේ හෝප් ලකුණු 140ක් හා සුපිරි ටෙස්ට් ඉනිමක් දියත් කළ ජස්ටින් ග්රීව්ස් නොදැවී ලකුණු 202ක් ලබාගනිමින් තරගය ජයපැරදුමෙන් තොරව අවසන් කළා. ඊට අමතරව කෙමාර් රෝච් නොදැවී ලකුණු 58ක් ලබාගත්තා. ජේකබ් ඩෆී නවසීලන්තය වෙනුවෙන් දෙවන ඉනිමේදී ද කඩුලු 3ක් ලබාගැනීමට සමත් වුණා.
ලෝක ටෙස්ට් ශූරතාවයට අනුරූපිව පැවැත්වෙන තරග 3කින් සමන්විත මෙම ටෙස්ට් තරගාවලියේ පලමු තරගය තරගය 0-0ක් ලෙස අවසන් වූ අතර තරගාවලියේ දෙවන තරගය දෙසැම්බර් 10 වන දා වෙලිංටන් හීදී ආරම්භවීමට නියමිතයි.
තරගයේ වීරයා ලෙස ජස්ටින් ග්රීව්ස් නම්කළා.
