ශ්‍රී ලංකාව අහා ඔස්ට්‍රේලියාව අතර තරග දෙකකින් සමන්විත එක්දින තගාවලියේ පලමු තරගය අද උදෑසන කොළඹ ආර්. ප්‍රේමදාස පිටියේදී ආරම්භ වුණා.
කාසියේ වාසිය දිනා මුලින්ම පන්දුවට පහර දුන් ශ්‍රී ලංකා ඉනිමේ සියලු කඩුලු ලකුණු 214ට දවාගැනීමට ඔස්ට්‍රේලියානු පන්දු යැවීමේ බලඇණිය සමත් වුණා.
ශ්‍රී ලංකා ඉනිමේ කඩුලු එක පිට එක බිඳවැටෙද්දී හුදකලා ඉනිමක් දියත් කළ නායක චරිත් අසලංක විශිෂ්ට ශතකයක් ලබාගනිමින් ලකුණු 127ක් රැස්කළා.
මීට අමතරව දුනිත් වෙල්ලාලගේ ලකුණු 30ක් ලබාගත් අතර අන් කිසිදු පිතිකරුවෙක්ට ලකුණු 20 සීමාව පසු කිරීමට හැකියාවක් ලැබුණේ නැහැ.
පන්දුයැවීමේදී ඔස්ට්‍රේලියාව වෙනුවෙන් සෝන් ඇබ‍ර්ට් කඩුලු 3ක් හා ස්පෙන්සර් ජොන්සන්, ඒරොන් හාර්ඩි, නේදන් එලිස් කඩුලු 2 බැගින් දවාගත්තා.
ජයග්‍රහණය සඳහා ඕස්ට්‍රේලියානු කණ්ඩායමට අවශ්‍ය වන්නේ ලකුණු 215ක් පමණයි.
