සන්රයිස් හයිද්රබාද් කණ්ඩායම හා දිල්ලි කැපිටල්ස් කණ්ඩායම අතර පැවති තරගයෙන් ලකුණු 47ක ජයක් ලැබීමට හයිද්රබාද් කණ්ඩායම සමත් වුණා.
පළමුවෙන් පන්දුවට පහරදුන් සන්රයිස් හයිද්රබාද් කණ්ඩායම කඩුලු 2ට ලකුණු 242ක් ලබාගැනීමට සමත් වුණා. ඊට පිළිතුරු වශයෙන් දිල්ලි කැපිටල්ස් ජන්ඩායමට ලබාගැනීමට හැකිවුණේ කඩුලු 9ට ලකුණු 195ක් පමණයි.
අද දිනයේ සිය දෙවන අයිපීඑල් ශතකය ලබාගත් අභිෂේක් ශර්මා පන්දු 68ට නොදැවී ලකුණු 135ක් ලබාගත් අතර ඔහුගේ ඉනිමට හතරේ පහර 10ක් හා හයේ පහර 10ක් ඇතුලත් වුණා.
ඔහුට අමතරව ට්රැවිස් හෙඩ් ලකුණු 37ක්, ඉෂාන් කිශන් ලකුණු 25ක් හා හෙන්රික් ක්ලාසන් නොදැවී ලකුණු 37ක් ලබාගත්තා.
දිල්ලි කණ්ඩායම් වෙනුවෙන් අක්සාර් පටෙල් එක් කඩුල්ලක් දවාගත්තා.
පිලිතුරු ඉනිමේදී දිල්ලි කණ්ඩායමේ නිතිෂ් රානා ලකුණු 57ක්, සමීර් රිස්වි ලකුණු 41ක් හා කේ.එල් රාහුල් ලකුණු 37ක් ලබාගත්තා.
සිය පළමු අයිපීඑල් තරගයට ක්රීඩා කළ දිල්ෂාන් මධුසංක සිය අයිපීඑල් දිවියේ පළැමු කඩුල්ල ලෙස පැතුම් නිශ්ශංකව දවාගත්තා. විශිෂ්ට පන්දු යැවීමක නිරත වූ එෂාන් මාලිංග ලකුණු 32ට කඩුලු 4ක් දවාගත් අතර හර්ෂ් ඩුබේ ලකුණු 12ට කඩුලු 3ක් දවාගත්තා.
මේ ජයග්රහණයත් සමග සන් රයිසස් හයිද්රබාද් කණ්ඩායම ප්රසාද ලකුණු සටහනේ තුන්වන ස්ථානයට පැමිණි අතර දිල්ලි කැපිටල්ස් කණ්ඩායම රැදී සිටින්නේ පස්වන ස්ථනයේයි.
