2025 කාන්තා එක්දින ලෝක කුසලානයේ දෙවන අවසන් පූර්ව තරගය ඉන්දියාව හා ඕස්ට්රේලියාව අතර මුම්බායි හීදී පැවැත්වුණා. එම තරගය ලකුණු 339ක් හඹායමින් කඩුලු 5ක ජයක් ලැබීමට ඉන්දියාව සමත් වුණා.
කාසියේ වාසිය දිනූ ඔස්ට්රේලියානු කණ්ඩායම මුලින් පන්දුවට පහරදෙමින් සියලු දෙනා දැවී ලකුණු 338ක් ලබාගත්තා.
ඕස්ට්ර්රෙලියාව වෙනුවෙන් ෆීබී ලිච්ෆීල්ඩ් පන්දු 93ට ලකුණු 119ක් රැස්කළ අතර ඈෂ්ලි ගාඩ්නර් පන්දු 45ට ලකුණු 63ක් ලබාගැනීමට සමත් වුණා.
පන්දු යැවීමේදී ඉන්දියාව වෙනුවෙන් දීප්ති ශර්මා සමගින් ශ්රී චරණිකඩුලු 2 බැගින් දවාගත්තා.
පිලිතුරු ඉනිම ක්රීඩ කළ ඉන්දීය කණ්ඩායම 49වන පන්දුවාරයේදී ලකුණු 341ක් ලබාගෙන ජයග්රහණය වාර්තා කළා.
විශිෂ්ට ඉනිමක් දියත් කරමින් ජෙමීමා රොද්රිගස් නොදැවී ලකුණු 127ක් ලබාගත්තා. හර්මන්ප්රීත් කෝර් ලකුණු 89යි.
මෙම හඹායෑම කාන්තා එක්දින තරග ඉතිහාසයේ විශිෂ්ටතම හඹායෑම ලෙසද වාර්තා වුණා.
මේ ජයග්රහණයත් සමගින් ඉන්දියානු කණ්ඩායම මෙවර ලෝක කුසලානයේ අවසන් මහා තරගයට සුදුසුකම් ලබන අතර ඔවුන් තවමත් ලෝකකුසලානයක් හිමිකරගෙන නැහැ.
එසේම එංගලන්තය හෝ ඕස්ට්රේලියාව නොමැතිව ක්රීඩා කරනු ලබන ප්රථම කාන්තා එක්දින ලෝක කුසලාන අවසන් මහා තරගයද මෙයයි.
එසේම ඉන්දියාව සමග අවසන් මහා තරගයේදී තරග වැදීමට නියමිත දකුණු අප්රිකාව ද තවමත් ලෝක කුසලානයක් ජයගෙන නොමැති අතර මෙවර ලෝක ශූරතාවය අලුත්ම කණ්ඩායමකට හිමිවනු ඇත.
