ශ්‍රී ලංකාව හා ඔස්ට්‍රේලියාව අතර දෙවන ටෙස්ට් තරගයෙන් කඩුලු 9ක ජයක් ලබාගැනීමට ඔස්ට්‍රේලියාව සමත් වුණා.
කාසියේ වාසිය දිනාගත් ශ්‍රී ලංකා කණ්ඩායම ප්‍රථමයෙන් පදුවට පහර දීමට තීරණය කළ අතර පළමු ඉනිමට ලකුණු 257ක් ලබා ගත්තා.
ශ්‍රී ලංකා පලමු ඉනිම වෙනුවෙන් දිනේෂ් චන්දිමාල් ලකුණු 74ක් හා කුසල් මෙන්ඩිස් නොදැවී ලකුණු 85ක් ලබාගත්තා. පන්දු යැවීමේදී මිචෙල් ස්ටාර්ක්, මැතිව් කුනමන් හා නේදන් ලයන් කඩුලු 3 බැගින් දවාගත්තා.
ඔස්ට්‍රේලියාව පලමු ඉනිමට ලකුණු 414ක් රැස් කළා. එහිදී ස්ටීව් ස්මිත් ලකුණු 131ක් හා ඇලෙක්ස් කෙරී ලකුණු 156ක් ලබා ගත්තා. පන්දු යැවීමේදී ප්‍රභාත් ජයසූරිය කඩුලු 5ක් හා නිෂාන් පීරිස් කඩුලු 3ක් දවාගත්තා.
ශ්‍රී ලංකාව දෙවන ඉනිම වෙනුවෙන් රැස් කළ ලකුණු සංඛ්‍යාව 231ක්. එහිදී ඇන්ජෙලෝ මැතිව්ස් ලකුණු 76ක් හා කුසල් මෙන්ඩිස් ලකුණු 50ක් ලබාගත්තා. පන්දු යැවීමේදී මැතිව් කුනමන් හා නේදන් ලයන් කඩුලු 4බැගින් දවාගත්තා.
තරගයේ ජයග්‍රහණය සඳහා ඔස්ට්‍රේලියාවට අවශ්‍යය වූයේ ලකුණු 75ක් පමණයි. ජයග්‍රාහී ඉලක්කය කරා ලගාවීමේදී ඔස්ට්‍රේලියාවට අහිමි වූයේ එක් කඩුල්ලක් පමණයි. දැවී ගිය ක්‍රීඩකයා ට්‍රැවිස් හෙඩ්.
මේ ජයග්‍රහණයත් සමග තරගාවලිය 2-0ක් ලෙස ඔස්ට්‍රේලියාව ජයග්‍රහණය කළා. අවසන් තරගයේ වීරයා ඇලෙක්ස් කෙරී වූ අතර තරගාවලියේ වීරයා ස්ටීව් ස්මිත්.
