පකිස්තානු කණ්ඩායම, දකුණු අප්රිකාවට එරෙහිව ලකුණු 352ක් කඩුලු 4ක් පමණක් දැවී හඹාගොස්, තම එක්දින ඉතිහාසයේ දැවැන්තම හඹායෑම සනිටුහන් කළා.
කාසියේ වාසිය දිනූ දකුණු අප්රිකාව මුලින්ම පන්දුවට පහරදීමට තීරණය කළා. ඔවුන් නියමිත පන්දුවාර 50 අවසානයේ කඩුලු 5ක් දැවී ලකුණු 352ක් රැස් කළා.
නායක ටෙම්බා බවූමා ලකුණු 82ක්, මැතිව් බ්රීට්ස්කේ ලකුණු 83ක් හා හෙන්රික් ක්ලාසන් ලකුණු 87ක් රැස් කළා.
මේ දැවැන්ත ලකුණු පුවරුව හඹායෑමට ආරම්භ කළ පකිස්තානු ඉනිමේ ප්රථම කඩුලු 3 ලකුණු 91ට දැවී ගියා.
ඉන් අනතුරුව සිව්වෙනි කඩුල්ල වෙනුවෙන් ලකුණු 260ක වාර්තාගත සබඳතාවයක් ගොඩනැගීමට නායක මොහොමඩ් රිස්වාන් සමග උපනායක සල්මන් අලී අගා සමත් වුණා.
එහිදී මොහොමඩ් රිස්වාන් නොදැවී ලකුණු 122ක් හා සල්මන් අගා ලකුණු 134ක් ලබාගත්තා.
මෙම තුන් තරගාවලියේ අවසන් මහා තරගය නවසීලන්තය හා පකිස්තානය අතර 14 වෙනිදා කරච්චි හීදී පැවැත්වීමට නියමිතයි.
