ශ්රී ලංකාව හා බංග්ලාදේශය අතර තරග තුනකින් සමන්විත විස්සයි විස්ස තරගාවලිය අද පල්ලේකැලේ ක්රීඩාංගණයේදී රාත්රී තරගයක් ලෙස ප.ව. 7.00ට ආරම්භවීමට නියමිතයි.
බංග්ලාදේශ කණ්ඩායමේ ශ්රී ලංකා සංචාරයේ මෙතෙක් පැවති තරග ආකෘති 2න් (ටෙස්ට් හා එක්දින) ම ජය ලැබීමට ශ්රී ලංකා කණ්ඩායම සමත් වුණා. ටෙස්ට් තරගාවලිය 1-0ක් ලෙසත් එක්දින තරගාවලිය 2-1ක් ලෙසත් ශ්රී ලංකා කණ්ඩායම ජයගත්තා.
ඒ අනුව ශ්රී ලංකා කණ්ඩායම අද ඇරඹෙන 20-20 තරගාවලියට සහභාගීවන්නේ ජයග්රාහී මානසිකත්වයකිනි.
කෙසේ වෙතත් මෑතකදී 20-20 ආකෘතියෙන් ශ්රී ලංකා කණ්ඩායම එතරම් සාර්ථක වී නොමැත. ශ්රී ලංකාව පසුගිය තරග 13න් තරග 8ක් පරාජය වී තිබෙනවා. එසේම ගියවර 20-20 ලෝක කුසලානයෙන් ශ්රී ලංකාව බංග්ලාදේශය හමුවේ ලැබූ තරග පරාජය සමග ශ්රී ලංකාවට තරගාවලියෙන් ඉවත් වීමට පවා සිදුවුණා.
එසේම බංග්ලාදේශ කණ්ඩායමත් මෙම 20-20 ආකෘතියෙන් එතරම් සාර්ථකත්වයක් දක්වා නැහැ. ඔවුන් මේ වසරේ එක්සත් අරාබි එමීර් රාජ්යය සමග තිබූ 20-20 තරගාවලිය පරාජයට පත් වුණා. බංග්ලාදේශය ඔවුන් ක්රීඩා කළ අවසන් 20-20 තරග 15න් 11ක් පරාජයට පත් වී තිබෙනවා.
ශ්රී ලංකා 20-20 සංචිතයේ සිදු වූ විශාල වෙනස්කමක් වූයේ වනිඳු හසරංග ආබාධයක් නිසා සංචිතයෙන් ඉවත් වීමයි. ඔහුගේ හිඩස බොහෝ විට ජෙෆ්රි වැන්ඩර්සේ විසින් පිරවීමට ඉඩ තිබේ. එසේම ශ්රී ලංකා සංචිතය සඳහා හිටපු නායක දසුන් ශානක ඇතුලත් කොට තිබෙනවා.
බංග්ලාදේශ කණ්ඩායමේ නායකත්වය ලිටන් දාස් දරණ අතර ඔහු පිතිකරුවෙකු ලෙස යම් පසුබෑමක සිටිනවා. ඊට අමතරව ස්රී ලංකා කණ්ඩායම වෙනුවෙන් නායක චරිත් අසලංක හා කුසල් මෙන්ඩිස් දක්ෂතා අතර සිටිනවා.
ශ්රී ලංකා වේග පන්දු යැවීමේ බලඇණිය මතීෂ පතිරණ, නුවන් තුෂාර, බිනුර ප්රනාන්දු හා එෂාන් මාලිංගගෙන් සමන්විත අතර දඟ පන්දු යවන්නන් ලෙස මහේෂ් තීක්ෂණ, ජෙෆ්රි වැන්ඩර්සේ හා දුනිත් වෙල්ලාලගේ ක්රීඩාකරනවා.
එසේම තුන් ඉරියව් ක්රීඩකයන් ලෙස දසුන් ශානක, චාමික කරුණාරත්න හා දුනුත් වෙල්ලාලගේ සංචිතයට ඇතුලත් වන අතර මෙහි ප්රමුඛ තේරීම දසුන් ශානක වීමට බොහෝ සෙයින් ඉඩ තිබෙනවා.
බංග්ලාදේශ සංචිතයට සොරිෆුල් ඉස්ලාම් හා මොහොමඩ් සයිෆුදීන් ඇතුලත් කොට තිබෙනවා.
කෙසේ වෙතත් ලබන වසරේ විස්සයි විස්ස ලෝක කුසලානයේ ශ්රී ලංකාව සම සත්කාරකත්වය දැරිමට නියමිත නිසා කණ්ඩායම් දෙකටම මෙම තරගාවලිය වැදගත් වේ.
බංග්ලාදේශ කණ්ඩායම (අනුමාන):
1 Tanzid Hasan, 2 Parvez Hossain Emon, 3 Litton Das (capt & wk), 4 Towhid Hridoy, 5 Shamim Hossain, 6 Jaker Ali, 7 Mehidy Hasan Miraz, 8 Tanzim Hasan, 9 Rishad Hossain, 10 Taskin Ahmed, 11 Mustafizur Rahman
ශ්රී ලංකා කණ්ඩායම (අනුමාන):
1 Pathum Nissanka, 2 Kusal Mendis (wk), 3 Kusal Perera, 4 Avishka Fernando, 5 Charith Asalanka (capt), 6 Dasun Shanaka, 7 Dunith Wellalage/Chamika Karunaratne, 8 Wanindu Hasaranga, 9 Maheesh Theekshana/Jeffrey Vandersay, 10 Nuwan Thushara, 11 Matheesha Pathirana
