ශ්‍රී ලංකා සහ බංග්ලාදේශ කාන්තා කණ්ඩායම් අතර පැවති 20-20 ක්‍රිකට් තරගාවලිය තරග 3ට 0ක් ලෙස ජයගැනීමට ශ්‍රී ලංකාව සමත් වුණා. ඊයේ පැවති තුන්වැනි තරගය ශ්‍රී ලංකා ක්‍රීඩිකාවන් ජයගත්තේ, ලකුණු 3කින්.
වර්ෂාව හේතුවෙන් මෙම තරගයේ එක් ඉනිමක් පන්දුවාර 9කට සීමා කෙරුණා. සිලෙට් හිදී පැවති තරගයේ පළමුවෙන් පන්දුවට පහරදුන් ශ්‍රී ලංකා ක්‍රීඩිකාවන් නියමිත පන්දුවාර සංඛ්‍යාව අවසානවන විට කඩුලු 6ක් දැවී ලකුණු 87ක් ලබා සිටියා. චමරි අතපත්තු පන්දු 27කදී ලකුණු 41ක් ලබාගත්තා. පන්දු
යැවීමේදී සුල්තානා කටුන් කඩුලු 3යි.
පිළිතුරු ලෙස බංග්ලාදේශ කණ්ඩායමට පන්දුවාර 9 අවසානයේ කඩුලු 6ක් දැවී රැස් කිරීමට හැකි වුණේ, ලකුණු 84ක් පමණයි. වැඩිම ලකුණුලාභිනිය වූ සොබානා මොස්ටරි ලකුණු 21ක් ලබාගත්තා. පන්දු යැවීමේදී සිගන්ධිකා කුමාරි සහ චමරි අතපත්තු කඩුලු 2 බැගින් දවා ගත්තා.
තරගයේ දක්ෂතම ක්‍රීඩිකාව සහ තරගාවලියේ දක්ෂතම ක්‍රීඩිකාව යන සම්මාන ද්විත්වයම හිමිවුණේ ශ්‍රී ලංකා කාණ්ඩායමේ නායිකා චමරි අතපත්තුට.
