වැම්පියන්ස් කුසලාන ක්රිකට් තරගාවලියේ වාර්තා රැසක් සමගින් ජයග්රහණයක් ලැබීමට ඇෆ්ගනිස්තානය සමත් වුණා.
ඒ ඊයේ පැවැති තරගයෙන් එංගලන්තය පරාජය කරමින්. තරගය පැවැත්වුණේ පාකිස්තානයේ ලාහෝර් හිදී.
පළමුවෙන් පන්දුවට පහරදුන් ඇෆ්ගනිස්තානය පන්දු වාර 50 ඇතුළත කඩුලු 7 ක් දැවී ලකුණු 325 ක් රැස් කලා.
ඊබ්රහිම් සාඩ්රන් ලකුණු 177 යි.
එය වාර්තා වුණේ ඇෆ්ගනිස්තාන පිතිකරුවෙක් චැම්පියන්ස් කුසලාන ක්රිකට් තරගාවලියක්දී වාර්තා කල පළමු ශතකය ලෙසයි.
මේ අතර චැම්පියන්ස් කුසලාන ක්රිකට් තරගාවලියේදී ක්රීඩකයෙකු වාර්තා කල වැඩිම ලකුණු සංඛ්යාව ලෙස එය ඉතිහාසයට එක්වුණා.
පන්දු යැවීමේදී ජොෆ්රා ආචර් කඩුලු 3 ක් දවා ගත්තා.
පිලිතුරු ලෙස එංගලන්තය පන්දු වාර 49.5 කදී සියලු ක්රීඩකයින් දැවී රැස් කල ලකුණු සංඛ්යාව 317 ක්.
ජෝ රූට් ලකුණු 120 යි.
පන්දු යැවීමේදී අස්මතුල්ලා ඔමර්සායි කඩුලු 5 ක් දවා ගත්තා.
තරගයෙන් ඇෆ්ගනිස්තානය ජය ගත්තේ ලකුණු 8 කින්.
