ශ්‍රී ලංකාව හා ඔස්ට්‍රේලියාව අතර දෙවන ටෙස්ට් තරගයේ පළමු දිනය නිමාවන විට ශ්‍රී ලංකා කණ්ඩායම කඩුලු 9ක් දැවී ලකුණු 229යි.
කාසියේ වාසිය දිනූ ශ්‍රී ලංකා නායක ධනන්ජය සිල්වා ප්‍රථමයෙන් පන්දුවට පහරදීමට තීරණය කළා.
සිය අවසන් ටෙස්ට් තරගය සඳහා ක්‍රීඩා කරන දිමුත් කරුණාරත්න සමගින් පැතුම් නිශ්ශංක ඉනිම ආරම්භ කළා.
පැතුම් නිශ්ශංක ලකුණු 11ක් ලබාසිටියදී නේදන් ලයන් ගේ පන්දුවක් හමුවේ දැවී ගියා. ඉන් අනතුරුව පිටියට පිවිසි දිනේශ් චන්දිමාල් සමග ලකුණු 70ක සබඳතාවයක් ගොඩනගමින් සිටියදී දිමුත් කරුණාරත්නව ලකුණු 36ට දවාගැනීමට ලයන් සමත් වුණා.
ඇන්ජලෝ මැතිව්ස්, කමිඳු මෙන්ඩිස් හා නායක ධනන්ජය සිල්වා අද දින සාර්ථක වූයේ නැහැ.
ස්ථාවර ඉනිමක් ක්‍රීඩා කළ චන්දිමාල්ගේ කඩුල්ල ලකුණු 74ට දවාගැනීමට මැතිව් කුනමන් සමත් වුණා.
ඉන් අනතුරුව කුසල් මෙන්ඩිස් හා රමේෂ් මෙන්ඩිස් ලකුණු 65ක සබඳතාවයක් ගොඩනැගුවා.
දිනය අවසානයේ අවසන් කඩුල්ල සමග කුසල් මෙන්ඩිස් නොදැවී ලකුණු 59ක් ලබාගෙන සිටිනවා.
පන්දු යැවීමේදී මිචෙල් ස්ටාර්ක් හා නේදන් ලයන් කඩුලු 3බැගින් දවා ගත් අතර මැතිව් කුනමන් කඩුලු 2ක් හා ට්‍රැවස් හෙඩ් එක් කඩුල්ලක් ලබාගත්තා.
