ලෝක කුසලාන කාන්තා එක් දින ක්රිකට් තරගාවලියේ පළමු ජය වර්තා කිරීමට ශ්රී ලංකාව අද සමත් වුණා.
ඒ බංග්ලාදේශය ලකුණු 7 කින් පරාජය කරමින්.
තරගය පැවැත්වුණේ ඉන්දියාවේ මුම්බායිහිදී.
පළමුවෙන් පන්දුවට පහර දුන් ශ්රී ලංකා කණ්ඩායම පන්දුවාර 48.4 කදී සියලු ක්රිඩිකාවන් දැවී ලකුණු 202 ක් රැස්කළා.
වැඩිම ලකුණු ලාභිනිය වූ හසිනි පෙරේරා ලකුණු 85 යි.
ඇය තම එක්දින ක්රිකට් දිවියේ වාර්තා කළ පළමු අර්ධ ශතකය මෙයයි.
නායිකා චමරි අතපත්තු ලකුණු 46 ක් ලබා ගත්තා.
තම එක් දින ක්රිකට් දිවියේ ලකුණු 4000 පසු කිරීමට චමරි සමත්වීම විශේෂත්වයක්.
පිළිතුරු ඉනිම ක්රීඩා කළ බංග්ලාදේශ ක්රිඩිකාවන් තරගයේ 49 වැනි පන්දුවාරය අවසන් වන විට කඩුලු 5ක් දැවී ලකුණු 194ක් ලබා සිටියා.
ඒ අනුව ඔවුන්ට අවසන් පන්දු වාරයේදී තරගය ජය ගැනීමට අවශ්ය වුණේ ලකුණු නවයක් පමණයි.
නොදැවී පන්දුවට පහර දෙමින් සිටියේ නායිකා නිගර් සුල්තානා සහ රබේයා ඛාන්.
නයිකා චමරි අතපත්තු අවසන් පන්දු වාරය ක්රියාත්මක කළා.
එහි පළමු පන්දුවේදී රබේයා ඛාන් දැවී ගියේ කඩුල්ල මුවා කිරීමේ වරදට හසුවෙමින්.
අවසන් පන්දුවාරයේ දෙවැනි පන්දුවේදී නහීඩා අක්තර් දුවද්දී දැවී ගියා.
තුන්වැනි පන්දුවේදී නායිකා නිගර් සුල්තානා ලකුණු 77 කට දවා ගත් චමරි සිව් වැනි පන්දුවේදී මරූෆා අක්තාර් දවා ගත්තා.
ඒ අනුව බංග්ලාදේශයට පන්දුවාර 50 අවසන් වන විට කඩුලු 9 දැවී රැස් කිරීම්ට හැකි වුනේ ලකුණු 195 පමණයි.
විශිෂ්ට පන්දු යැවීමක නිරත වූ චමරි අතපත්තු ලකුණු 42කට කඩුලු 4 ක් දවා ගත්තා.
එම ජයග්රහණයත් සමග ශ්රී ලංකාව ප්රසාද ලකුණු සටහනේ හයවන ස්ථානය දක්වා ඉදිරියට පැමිණියා.
