සංචාරක ශ්රී ලංකා කාන්තා ක්රිකට් කණ්ඩායම හා බටහිර ඉන්දීය කොදෙව් කණ්ඩායම අතර පැවති විස්සයි විස්ස තරගාවලියේ අවසන් හා තුන්වන තරගය ඊයේ සෙන්ට් ජෝර්ජ් හීදී පැවැත්වුණා. එම තරගයෙන් කඩුලු 9ක විශිෂ්ට ජයක් ලැබූ ශ්රී ලංකා කණ්ඩායම විස්සයි විස්ස තරගාවලියද තරග 2-0ක් ලෙස ජයග්රහණය කළා.
මුලින් පන්දුවට පහර දුන් කොදෙව් ක්රීඩිකාවන් පන්දුවාර විස්ස අවසානයේ කඩුලු 5ක් දැවී ලබාගත්තේ ලකුණු 119ක් පමණයි.
කොදෙව් කණ්ඩායම වෙනුවෙන් චිනෙල් හෙන්රි නොදැවී ලකුණු 32ක් ලබාගත් අතර දියෙන්ද්රා ඩොටින් ලකුණු 28ක් හා ස්ටැෆනි ටේලර් ලකුණු 24ක් ලබාගත්තා.
දක්ෂ පන්දු යැවීමක නිරත වූ ඉනෝකා රණවීර ලකුණු 16ට කඩුලු 2ක් දවාගත් අතර සුගන්ධිකා කුමාරි ලකුණු 32ට කඩුලු 2ක් දවාගත්තා. කවිශ්කා දිල්හාරි ලකුණු 13ට එක් කඩුල්ලයි.
මේ පහසු ඉලක්කය හඹාගිය ශ්රී ලංකා පිතිකරුවන් පන්දුවාර 17යි පන්දු 4දී එක් කඩුල්ලක් පමණක් දැවී ජයග්රහණය වාර්තා කළා.
ආරම්භක පිතිකරුවන් වන හසිනි පෙරේරා නොදැවී ලකුණු 52ක් හා නායක චමරි අතපත්තු ලකුණු 32ක් ලබාගත්තා. ඉමේෂා දුලානි නොදැවී ලකුණු 34යි.
මේ ජයග්රහණයත් සමග තරග තුනකින් සමන්විත විස්සයි විස්ස තරගාවලිය තරග 2-0ක් ලෙස ජයගැනීමට ශ්රී ලංකා ක්රීඩිකාවන් සමත් වුණා. මේ තරගාවලියේ පළමු තරගය අයහපත් කාලගුණය නිසා අතහැර දැමීමට සිදුවුණා.
අවසන් තරගයේ වීරයා ලෙස හසිනි පෙරේරාත් තරගාවලියේ වීරයා ලෙස චමරි අතපත්තුත් නම් කෙරුණා.
