ශ්‍රී ලංකා හා නවසීලන්ත ඒ කාන්තා කණ්ඩායම් අතර පලමු 20/20 තරගය කඩුලු 3 කින් ජයගැනීමට ශ්‍රී ලංකා ඒ කාන්තා කණ්ඩායම සමත් වුණා. තරගය පැවැත්වුණේ දඹුල්ලේදී.
පළමුවෙන් පන්දුවට පහරදුන් නවසීලන්ත ඒ කාන්තා කණ්ඩායම කඩුලු 6ට ලකුණු 1298ක් ලබාගත්තා.
නවසීලන්ත ඒ කණ්ඩායමේ වැඩිම ලකුණුලාභිනිය වූ කේට් ගැගින් ලකුණු 35ක් ලබාගත්තා.
ශ්‍රී ලංකා ඒ කාන්තා කණ්ඩායම වෙනුවෙන් පන්දු යැවීමේදී චමුදි ප්‍රභෝදා , සත්‍යා සන්දීපනී හා සචිනි නිසන්සලා කඩුලු 2 බැගින් දවාගත්තා.
පිලිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 19යි පන්දු 3කදී කඩුලු 7ක් දැවී ලකුණු 131ක් ලබාගෙන තරගයේ ජයග්‍රහණය ලබාගත්තා.
ශ්‍රී ලංකා කණ්ඩායම් වෙනුවෙන් විශ්මි ගුණරත්න ලකුණු 27ක් පියුමි වත්සලා නොදැවී ලකුණු 21ක් හා ශශිනි ගිම්හානි නොදැවී ලකුණු 26 ක් ලබාගත්තා.
නවසීලන්තය වෙනුවෙන් කේලී නයිට් හා හැනා රෝවෙ කඩුලු 2 බැගින් දවාගත්තා.
මේ ජයග්‍රහණයත් සමග ශ්‍රී ලංකා කාන්තා ඒ කණ්ඩායම තරග 3කින් සමන්විත 20/20 තරගාවලිය 1-0ක් ලෙස පෙරමුණ ගත්තා.
