2026 ලෝක කුසලාන තරගාවලියේ ශ්රී ලංකාව සහභාගී වූ අවසන් තරගය ඊයේ පාකිස්තානයට එරෙහිව පල්ලෙකැළේදී පැවැත්වුණා. තියුණු තරගයකින් පසු තරගය ලකුණු 5කින් ජයගැනීමට සමත් වුණේ පාකිස්තාන කණ්ඩායමයි.
මුලින් පන්දුවට පහරදුන් පාකිස්තානය කඩුලු 8ට ලකුණු 212ක් ලබාගත් අතර ඊට පිලිතුරු වශයෙන් ශ්රී ලංකා කණ්ඩායම ලබාගත්තේ කඩුලු 6ට ලකුණු 207ක් පමණයි.
ඊයේ දින මෙවර ලෝක කුසලානයේ සිය දෙවන ශතකය වාර්තා කළ ශහීබ්සාදා ෆර්හාන් ලකුණු 100ක් ලබාගත්තා. ෆකාර් සමාන් ලකුණු 84යි.
ෆකාර් හා ෆර්හාන් පාකිස්තානය වෙනුවෙන් ආරම්භක කඩුල්ලට ලකුණු 176ක සබඳතාවයක් ගොඩනැගුවා.
ඩිල්ශාන් මධුසංක කඩුලු 3ක් හා දසුන් ශානක කඩුලු 2ක් දවාගත්තා.
ශ්රී ලංකා කණ්ඩායම ජයග්රහණයේ පෙනෙන මානයට රැගෙන ආ දසුන් ශානක පන්දු 31ට ලකුණු 76ක් ලබාගත්තා. පවන් රත්නායක ලකුණු 58යි.
මෙම තරගය ශ්රී ලංකාව හා පාකිස්තානය මෙවර ලෝක කුසලානයේ තරග වැදුණු අවසන් තරගය විය.
පාකිස්තානය විසින් ශ්රී ලංකාව ලකුණු 65ක පරතරයකින් පරාජය නොකළ නිසා අවසන් පූර්ව වටයට යාමේ අවස්ථාව පාකිස්තානයට අහිමි වූ අතර නවසීලන්තය මීළඟ වටයට සුදුසුකම් ලැබුවා.
එසේම මෙම තරගයෙන් පසුව ශ්රී ලංකා පුහුණුකරු සනත් ජයසූරිය සිය ධුරයෙන් සමුගැනීම පිළිබඳව මාධ්යය හමුවේදී කියා සිටියා.
ශ්රී ලංකා කණ්ඩායමේ මීලඟ පුහුණුකරු පිළිබඳව ශ්රී ලංකා ක්රිකට් ආයතනය මේ වන තුරු ප්රකාශයක් නිකුත් කොට නැහැ.
