නැමීබියාව සමග අද කොළඹ එස්.එස්.සී පිටියේ පැවති තරගය ලකුණු 102කින් ජය ගනිමින් පාකිස්තානය මෙවර ලෝක කුසලානයේ සුපිරි 8 වටයට සුදුසුකම් ලැබීමට සමත් වුණා.
මුලින් පන්දුවට පහර දුන් පාකිස්තාන කණ්ඩායම කඩුලු 3ක් දැවී ලකුණු 199ක් ලබාගත්තා.
මෙවර ලෝක කුසලානයේ තුන්වන ශතකය ලබාගනිමින් ශහීබ්සාදා පන්දු 58ට ෆර්හාන් නොදැවී ලකුණු 100ක් ලබාගත්තා. ඔහුට සහය දක්වමින් සල්මන් අලී අගා ලකුණු 38ක් හා ශදාබ් කාන් නොදැවී ලකුණු 36ක් ලබාගත්තා.
නැමීබියාව වෙනුවෙන් ජැක් බ්රසෙල් කඩුලු 2ක් හා ගෙරාඩ් එරස්මස් එක් කඩුල්ලක් දවාගත්තා.
පිලිතුරු ඉනිම ක්රීඩා කළ නැමිබියානු කණ්ඩායමේ සියලු කඩුලු ලකුණු 97ට දැවී ගියා.
ලෝරන් ස්ටීන්කෑම්ප් ලකුණු 23ක් හා ඇලෙක්ස්සැන්ඩර් වොල්ෂෙන්ක් ලකුණු 20ක් ලබාගත්තා.
පාකිස්තානය වෙනුවෙන් උස්මාන් තරීක් කඩුලු 4ක් හා ශදාබ් කාන් කඩුලු 3ක් දවාගත්තා.
ඒ අනුව මෙම තරගය ලකුණු 102කින් ජයගත් පාකිස්තානය නිල වශයෙන් මීළඟ වටයට සුදුසුකම් ලැබුවා.
තරගයේ වීරයා ශහීබ්සාදා ෆර්හාන්.
