ශ්රී ලංකා පාපන්දු සම්මේලනය සංවිධාන කරන චැන්පියන්ස් ලීග් පාපන්දු තරගාවලිය ඊයේ ආරම්භ කෙරුණා.
පළමු තරගය පැවැත්වුණේ, මොරගස්මුල්ල සහ පෙලිකන්ස් යන කණ්ඩායම් අතරයි.
එහි පළමු අර්ධය නිමා වන විට ගෝල 1 ට 0 ක් ලෙස පෙලිකන්ස් කණ්ඩායම ඉදිරියෙන් සිටියා.
දෙවැනි අර්ධයේදී මොගස්මුල්ල කණ්ඩායම ගෝලයක් ලබා ගැනීමත් සමග තරගය අවසන් වූයේ, ගෝල 1 ට 1 ක් ලෙස ජය පරාජයෙන් තොරවයි.
දෙවැනි තරගය ලෙස පැවැත්වුණේ, පොලිස් සහ සුපර් සන් කණ්ඩායම් අතර තරගයයි. එහි පළමු අර්ධයේදී ගෝල 3 ක් ලබා ගැනීමට පොලිස් කණ්ඩායම සමත් වුණා.
තරගයේදී සුපර් සන් කණ්ඩායම එක් ගෝලයක් ලබා ගත්තා.
ඒ අනුව, ගෝල 3 ට එකක් ලෙස පොලිස් කණ්ඩායම තරගයේ ජය තමන් සතු කර ගත්තා. තරගය පැවැත්වුණේ කොළඹ තුරගතරග පිටියේදී.
