ලෝක කුසලාන පාපන්දු තරගාවලි 06 කදී ගෝල වාර්තාකළ එකම ක්‍රීඩකයා බවට පත්වීමට පෘතුගාලයේ ක්‍රිස්ටියානෝ රොනල්ඩෝ ඊයේ සමත්වුණා.
ඒ උස්බෙකිස්තානය සමග පැවැති තරගයේදී.
ලෝක කුසලාන තරගාව‍ලියේ කේ, කාණ්ඩයේ තරගයක් ලෙසයි පෘතුගාලය සහ උස්බෙකිස්තානය අතර තරගය පැවැත්වුනේ.
හූස්ටන් හිදි පැවැති තරගය නැරඹීමට හැත්තෑ දහසකට අධික ප්‍රේක්ෂක පිරිසක් ක්‍රීඩාංගණයට පැමිණ සිටියා.
මෙම තරගයේ පළමු අර්ධය නිමාවුනේ ගෝල 3 ට 0 ක් ලෙස පෘතුගාලය පෙරමුණ ගනිමින්.
එම ගෝල 3 න් ගෝල 2 ක් වාර්තා කලේ සුපිරි ක්‍රීඩක ක්‍රිස්ටියානෝ රොනල්ඩෝ.
41 හැවිරිදි රොනල්ඩෝ ලෝක කුසලාන තරගාවලි 06 කදී ගෝල වාර්තා කිරීමට සමත්ව තිබීම විශේෂත්වයක්.
එම තරගය අවසන් වුනේ ගෝල 5 ට 0 ක් ලෙස පෘතුගාලයට ජයහිමිකර දෙමින්.
