එක්සත් අරාබි එමීර් රාජ්‍යයේ , ජාත්‍යන්තර කායවර්ධන විසින් සංවිධානය කළ ඩුබායි මසල් බීච් – 2025 ( IFBB Dubai Muscle Beach – 2025 ) කායවර්ධන ශූරතා තරගාවලියට ශ්‍රී ලංකාව නියෝජනය කරමින් සහභාගී වූ සුභාෂ් බෙත්මගේ ක්‍රීඩකයා , එහි පැවති තරග ඉසව් දෙකකට සහභාගී වී , එයින් රිදී පදක්කම් 02 ක් දිනා ගෙන 02/19 දින අලුයම කටුනායක ගුවන් තොටුපොළ වෙත පැමිණියේය .
මෙම තරගාවලිය එක්සත් අරාබි එමීර් රාජ්‍යයේ ඩුබායි හි ඉකුත් 02/14 දින සිට 02/16 දින දක්වා ලෝකයේ රටවල් 20 ක ක්‍රීඩකයින් 500 කට අධික පිරිසකගේ සහභාගීත්වයෙන් පවත්වා තිබුණි .
මෙම තරගාවලියේ උස සෙන්ටි මීටර් 171 ක්ලැසික් පිසික් (Classic Physique) සහ විවෘත කිලෝ ග්‍රෑම් 70
(Open Bodybuilding ) තරග ඉසව් දෙකට සහභාගී වී , එහි අනුශූරතාවයට හිමි රිදී පදක්කම් දිනා ගැනීමට සමත් වී තිබුණි .
ඔහු 02/19 දින අලුයම 05.00 ට ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත පැමිණ සිටි අතර ඔහු පිළිගැනීම සදහා ශ්‍රී ලංකා කායවර්ධන හා යෝග්‍යතා සම්මේලනයේ නිලධාරීන් සහ සුභාෂ් ගේ පවුලේ සාමාජිකයන් ඇතුළු පිරිසක් ද පැමිණ සිටියහ .
