බිග්බෑෂ් ලීග් 20/20 ක්‍රිකට් තරගාවලියේ ශූරතාව හිමි කරගැනීමට හෝබාට් හරිකන්ස් කණ්ඩායම සමත් වුණා.
ඒ අද පැවති අවසන් තරගයේදී සිඩ්නි තන්ඩර්ස් කණ්ඩායම පරාජය කරමින්.
අවසන් තරගය පැවැත්වුණේ හෝබට් හිදී.
පළමුවෙන් පන්දුවට පහර දුන් සිඩ්නි තණ්ඩර්ස් කණ්ඩායම පන්දු වාර විස්ස ඇතුළත කඩුලු 7 ක් දැවී ලකුණු 182 ක් රැස් කලා.
ජේසන් සංගා ලකුණු 67යි.
නායක ඩේවිඩ් වෝනර් ලකුණු 48 ක් ලබා ගත්තා.
පිළිතුරු ලෙස හෝබාට් හරිකන්ස් කණ්ඩායම තරගය ජය ගත්තේ පන්දු වාර 14 යි පන්දුවකදී කඩුලු 3 ක් දැවී ලකුණු 185ක් රැස් කරමින්.
මිචෙල් ඔවන් ලකුණු 108 යි.
තරඟය කඩුලු 7 කින් ජයගත් හෝබාට් හරිකන්ස් කණ්ඩායම තරගාවලියේ ශූරතාව හිමි කර ගත්තා.
