19න් පහළ ලෝක කුසලානය අවසන් මහා තරගය එංගලන්තය හා ඉන්දියාව අතර අද හරාරේ නුවරදී පැවැත්වුණා. එම තරග ලකුණු 100කින් ජය ලබමින් 2026 19න් පහළ ලෝක ශූරතාවය ඉන්දියාව දිනාගනී.
පළමුව පන්දුවට පහර දුන් ඉන්දීය කණ්ඩායම පන්දුවාර 50 අවසානයේ කඩුලු 9ට ලකුණු 411ක් ලබාගත්තා. ඊට පිළිතුරු වශයෙන් එංගලන්තය ලබාගත්තේ ලකුණු 311ක් පමණයි.
විශිෂ්ට ඉනිමක් දියත් කළ වෛභව් සූර්යවංශි පන්දු 80ට ලකුණු 175ක් ලබාගත්තා. නායක ආයුෂ් මාත්රේ ලකුණු 52ක් ලබාගත්තා.
කඩුලු ලබාගැනීමේදී ජේම්ස් මින්ටෝ කඩුලු 3ක් හා සෙබස්තියන් මෝගන් හා ඇලෙක්ස් ග්රීන් කඩුලු 2 බැගින් දවාගත්තා.
එංගලන්තය වෙනුවෙන් කැලෙබ් ෆැල්කනර් පන්දු 67ට ලකුණු 115ක් ලබාගත්තා. බෙන් ඩෝකින්ස් ලකුණු 66ක් ලබාගත්තා.
ඉන්දියාව වෙනුවෙන් ආර්.එස්. අම්බ්රිශ් කඩුලු 3ක් හා දීපේශ් දේවේන්ද්රන් හා කනිෂ්ක් චවුහාන් කඩුලු 2 බැගින් දවාගත්තා.
ඒ අනුව, ලකුණු 100කින් මෙම අවසන් මහා තරගය ජයගත් ඉන්දීය කණ්ඩායම හයවන වරට 19න් පහල ලෝක ශූරයන් බවට පත්වුණා.
මෙවර ලෝක කුසලානයේ තරගාවලියේ වීරයා හා අවසන් මහා තරගයේ වීරයා ලෙස වෛභව් සූර්යවංශි නම් වුණා.
