ඉන්දීය ප්‍රීමියර් ලීග් ක්‍රිකට් තරගාවලියේ අවසන් තරගයට සුදුසුකම් ලැබීමට රෝයල් චැලෙන්ජර්ස් බැංගලූරු කණ්ඩායම සමත්වුණා. ඒ පළමු අවසන් පූර්ව තරගයෙන් ගුජරාට් ටයිටන්ස් කණ්ඩායම පරාජය කරමින්.
තරගය පැවැත්වුනේ ධරම්ශාලා හිදී. පළමුවෙන් පන්දුවට පහරදුන් රෝයල්ස් චැලෙන්ජර්ස් බැංගලුරු කන්ඩායම පන්දුවාර 20 ඇතුළත කඩුලු 05 ක් දැවී ලකුණු 254 ක් රැස්කළා. රාජට් පැටිඩර් නොදැවී ලකුණු 93 ක් රැස්කලේ පන්දු 33 කට පමණක් මුහුණ දෙමින්. ඔහුගේ ඉණිමට 4 පහර 5 ක් සහ 6 පහර 9 ක් ඇතුළත්.
විරාත් කෝලි සහ කෘනාල් පාන්ඩ්‍යා ලකුණු 43 බැගින් ලබාගත්තා. පන්දු යැවීමේදී කගීසෝ රබාඩා, ජේසන් හෝල්ඩර් අතර කඩුලු දෙක බැගින් බෙදීගියා.
පිළිතුරු ලෙස ගුජරාට් ටයිටන්ස් කණ්ඩායමට පන්දුවාර 19 යි පන්දු 3 කදී සියලු ක්‍රීඩකයින් දැවී රැස්කිරීමට හැකිවුනේ ලකුණු 162 ක් පමණයි.
රාහුල් තෙවාතියා ලකුණු 68 යි. ජොශ් බට්ලර් ලකුණු 29 ක් ලබාගත්තා. පන්දු යැවීමේ ජෙකොබ් ඩෆී කඩුලු 3යි. බුවනේශ්වර් කුමාර්, රාශික් සලාම් සහ කෘනාල් පාන්ඩ්‍යා අතර කඩුලු 2 බැගින් බෙදී ගියා.
තරගයෙන් රෝයල්ස් චැලෙන්ජර්ස් බැංගලුරු කණ්ඩායම ජයගත්තේ ලකුණු 92 කින්. එම ජයග්‍රහණයත් සමග ඔවුන් සෘජුවම අවසන් තරගයට සුදුසුකම් ලැබුවා.
මූලික වටයේදී ලකුනු සටහනේ දෙවැනි ස්ථානයේ පසුවූ ගුජරාට් ටයිටන්ස් කන්ඩායමට අවසන් තරගයට සුදුසුකම් ලැබීමට තවත් එක් අවස්ථාවක් හිමිවෙනවා.
ඒ අනුව ඔවුන් තරගාවලියේ දෙවැනි අවසන් පූර්ව තරගයට සුදුසුකම් ලැබුවා. ලකුණු සටහනේ තෙවන සහ සිව්වන ස්ථානයේ පසුවන රාජස්තාන් රෝයල්ස් සහ සන්රයිසස් හයිඩ්‍රාබාද් අතර තරගය අද පැවැත්වෙනවා.
ඉන් ජයගන්නා කණ්ඩායමට දෙවනි අවසන් පූර්ව තරගයට සුදුසුකම් ලබාගැනීමේ අවස්ථාව හිමිවනවා. ඉන් පරාජය වන කණ්ඩායමට තරගාවලියෙන් ඉවත්වීමට සිදුවනු ඇති.
