2026 අයිපීඑල් තරගාවලියේ ඊයේ දින පැවති මුම්බායි ඉන්ඩියන්ස් හා කල්කටා නයිට් රයිඩර්ස් අතර තරගයෙන් වාර්තාගත ජයක් ලැබීමට මුම්බායි ඉන්ඩියන්ස් කණ්ඩායම සමත් වුණා. ඒ ඔවුන් හඹාගොස් ජයගත් වැඩිම ලකුණු සංඛ්‍යාව බව වාර්තා වුණා.
පළමුවෙන් පන්දුවට පහරදුන් කොල්කටා නයිට් රයිඩර්ස් කණ්ඩායම කඩුලු 4ක් දැවී ලකුණු 220ක් ලබාගත්තා. පිලිතුරු ඉනිම ක්‍රීඩා කළ මුම්බායි ඉන්ඩියන්ස් කණ්ඩායම කඩුලු 4ක් පමණක් දැවී ලකුණු 224ක් ලබාගෙන තරගය ජයගැනීමට සමත් වුණා.
නයිට් රයිඩර්ස් වෙනුවෙන් අජින්ක්‍යා රහානෙ පන්දු 40ට ලකුණු 67ක් හා අන්ග්ක්‍රිෂ් රගුවන්ෂි පන්දු 29ට ලකුණු 51ක් ලබාගත්තා. ඊට අමතරව ෆින් ඇලන් ලකුණු 37ක් හා රින්කු සිං නොදැවී ලකුණු 33ක් ලබාගත්තා.
මුම්බයි ඉන්ඩියන්ස් වෙනුවෙන් ශර්දුල් තාකුර් ලකුණු 39ට කඩුලු 3ක් හා හර්දික් පාන්ඩියා එක් කඩුල්ලක් දවාගත්තා.
පිලිතුරු ඉනිම සඳහා පිටියට පිව්සි මුම්බායි ඉන්ඩියන්ස් කණ්ඩායමේ ආරම්භක පිතිකරුවන් වන රෝහිත් ශර්මා හා රයන් රිකල්ටන් පළමු කඩුල්ලට පන්දු 72ට ලකුණු 148ක සබඳතාවයක් ගොඩනැගීමට සමත් වුණා.
රෝහිත් ශර්මා පන්දු 38ට ලකුණු 78ක් හා රිකල්ටන් පන්දු 43ට ලකුණු 81ක් ලබාගත්තා.
පන්දු යැවීමේදී වෛභව් අරෝරා, කාර්තික් ත්‍යාගි හා සුනිල් නරීන් එක් කඩුල්ල බැගින් දවාගත්තා.
ඒ අනුව මෙම තරගය කඩුලු 6කින් ජයගැනීමට මුම්බයි ඉන්ඩියන්ස් කණ්ඩායම සමත් වූ අතර ඔවුන් අයිපීඑල් තරගාවලියක සහභාගි වූ පළමු තරගයම ජයගැනීමට සමත්වුණේ 2012 වසරෙන් පසුවයි.
තරගයේ වීරයා ශර්දුල් තාකූර් ලෙස නම් කෙරුණා.
