එල්.පී.එල් ක්රිකට් තරගාවලියේ හය වැනි අදියර අද අති උත්කර්ෂවත් සමාරම්භක උත්සවයකින් ආරම්භ කෙරුණා.
ඒ කොළඹ එස්එස්සී ක්රීඩාංගණයේදී.සමාරම්භක උත්සවය අංග රැසකින් වර්ණවත් වුණා.
ක්රීඩා අමාත්ය සුනිල් කුමාර ගමගේ, ශ්රී ලංකා ක්රිකට් පරිවර්තනීය කමිටුවේ සභාපති ඉරාන් වික්රමරත්න,ඇතුළු පිරිසක් මේ අවස්ථාවට එක්ව සිටියා.
මෙවර තරගාවලියේ ජයග්රාහීන්ට පිරිනැමෙන කුසලානය එළිදැක්වුනේ කණ්ඩායම් වල නායකයින්ගේ සහභාගිත්වයෙන්.
සමාරම්භක උත්සවය ඩ්රෝණ සංදර්ශනයකින්ද වර්ණවත් වුණා.
මෙවර තරගාවලියේ පළමු තරඟය පැවත්වුණේ සමාරම්භක උත්සවයෙන් අනතුරුවයි.
ඒ ජැෆ්නා කිංග්ස් සහ ගෝල් ගැලන්ට්ස් යන කණ්ඩායම් අතරයි.
තරගයේ පළමුවෙන් පන්දුවට පහර දුන් ගෝල් ගැල්න්ට්ස් කණ්ඩායම පන්දුවාර 20 ඇතුලත කඩුලු 6 ක් දැවී ලකුණු 213 ක් රැස්කළා.
චරිත් අසලංක ලකුණු 65 ක් රැස් කල අතර සෑම් හාපර් ලකුණු 40 යි. සහන් ආරච්චිගේ ලකුණු 35 ක් රැස් කල අතර දසුන් ශානක නොදැවී ලකුණු 31 ක් රැස්කළා.
පිළිතුරු ලෙස ජැෆ්නා කිංග්ස් කණ්ඩායමට පන්දුවාර පන්දුවාර 19.4 කදී සියලු ක්රීඩකයින් දැවී රැස්කළ ලකුණු සංඛ්යාව 178ක්.
ඒ අනුව තරඟයෙන් ගෝල් ගැලන්ට්ස් කණ්ඩායම ජය ගත්තේ ලකුණු 36 කින්. ජැෆ්නා කිංග්ස් කණ්ඩායම වෙනුවෙන් දුනිත් වෙල්ලාලගේ ලකුණු 40 ක් රැස්කළා.
පන්දු යැවීමේදී ඒෂාන් මාලිංග කඩුලු 4 ක් දවා ගත්තා.
