ශ්රී ලංකා කාන්තා කණ්ඩායම සමග පැවැති සිව්වැනි 20-20 තරගය ලකුණු 30 කින් ජය ගැනීමට ඉන්දියාව සමත් වුණා.
මෙම තරගයේදී ඉන්දීය කාන්තා කණ්ඩායම තම 20 – 20 ක්රිකට් ඉතිහාසයේ ඉනිමක වැඩිම ලකුණු සංඛ්යාව රැස් කිරීම විශේෂත්වයක්.
තරගය පැවැත්වුණේ තිරුනානන්තපුරම් හිදී. පළමුවෙන් පන්දුවට පහර දුන් ඉන්දීය කණ්ඩායම පන්දු වාර 20 ඇතුළත කඩුලු 2 ක් දැවී ලකුණු 221 ක් රැස් කළා.
මෙය සටහන් වන්නේ ඉන්දියාව 20- 20 කාන්තා තරගයක රැස් කළ වැඩිම ලකුණු සංඛ්යාව ලෙසයි.
ස්ම්ර්තී මන්දනා පන්දු 48 කදී ලකුණු 80 ක් රැස් කිරීමට සමත් වුණා.
ඇය මෙහිදී ජාත්යයන්තර කාන්තා ක්රිකට් හී ලකුණු දසදහසේ සීමාව පසු කළ අතර, එම දක්ෂතාව දැක්වූ ලොව සිව්වැනි ක්රීඩිකාව ඇයයි.
ශෆාලි වර්මා ලකුණු 79 ක් සහ රීචා ගෝෂ් ලකුණු 40 ක් රැස් කළා.
පිලිතුරා ලෙස ශ්රී ලංකා ක්රීඩිකාවන් පන්දු වාර 20 ඇතුලත කඩුලු 6 ක් දැවී ලකුණු 191 ක් රැස් කළා.
චමරි අතපත්තු ලකුණු 52 යි.
මෙම ජයග්රහණයත් සමග ඉන්දියාව තරගාවලියේ පැවැති තරග 4 ම ජය ගැනීමට සමත් ව තිබෙනවා.
