ඕස්ට්රේලියාව හා එංගලන්තය අතර පැවැත්වෙන තරග 5කින් සමන්විත අළුබඳුන ටෙස්ට් තරගාවලිය තවත් තරග 2ක් ඉතිරිව තිබියදී 3-0ක් ලෙස ජයගැනීමට ඕස්ට්රේලියාව සමත් වුණා. ඒ තුන්වන තරගය ලකුණු 82කින් ජයනිමින්.
පලමු ඉනිමට ඕස්ට්රේලියාව ලකුණු 371ක් ලබාගත්තා. ඇලෙක්ස් කැරී ලකුණු 106ක් හා උස්මාන් කවාජා ලකුණු 82ක් ලබාගත්තා. ජොෆ්රා ආචර් කඩුලු 5ක් ලබාගත්තා.
එංගලන්තය සිය පළමු ඉනිමට ලබාගත්තේ ලකුණු 286ක් පමණයි. බෙන් ස්ටෝක්ස් ලකුණු 83ක් හා ජොෆ්රා අචර් ලකුණු 51ක් ලබාගත්තා. ඕස්ට්රේලියාව වෙනුවෙන් පැට් කමින්ස් හා ස්කොට් බොලන්ඩ් කඩුලු 3 බැගින් දවාගත්තා.
ඕස්ට්රේලියාව සිය දෙවනි ඉනිම ආරම්භ කළේ ලකුණු 85ක් ඉදිරියෙන් සිටිමිනුයි. ඒ අනුව ඔවුන් සියලු දෙනා දැවී ලකුණු 349ක් ලබාගත්තා. ට්රැවිස් හෙඩ් ලකුණු 170ක් හා ඇලෙක්ස් කැරී ලකුණු 72යි. ජොෂ් ටොන්ග් කඩුලු 4ක් හා බ්රයිඩන් කාස් කඩුලු 3ක් දවාගත්තා.
ඒ අනුව එංගලන්තයට තරගය ජයගැනීම සඳහා ලකුණු 435ක් අවශ්යය වුණා. කෙසේ වුවත් එංගලන්ත කණ්ඩායමට ලබාගැනීමට හැකිවුණේ ලකුණු 352ක් පමණයි. සැක් ක්රෝව්ලි ලකුණු 85ක් හා ජෙමී ස්මිත් ලකුණු 60ක් ලබාගත්තා. මිචෙල් ස්ටාර්ක්, පැට් කමිනස් හා නේදන් ලයන් කඩුලු 3 බැගින් දවාගත්තා
ඒ අනුව තරගය ලකුණු 82කින් ඕස්ට්රේලියාව ජයගත්තා. ඒ අනුව 2025 අළු බඳුන තරගාවලිය තරග 3-0ක් ලෙස තවත් තරග 2ක් ඉතිරිව තිබියදී ජයගැනීමට ඕස්ට්රේලියාව සමත් වුණා. තරගයේ වීරයා ඇලෙක්ස් කැරී.
