නවසීලන්තය සමග පැවැත්වෙන එක්දින ක්රිකට් තරගාවලිය සඳහා දඟපන්දු යවන ක්රීඩක දුෂාන් හේමන්ත කැඳවා තිබෙනවා.
ඒ, ආබාධයට ලක් වූ වනිඳු හසරංග වෙනුවටයි.
නවසීලන්තය සමග පැවති දෙවැනි 20-20 ක්රිකට් තරගය අතරතුර වනිඳු හසරංග ආබාධයකට ලක් වුණා. ඒ අනුව ඔහු, වෛද්ය ප්රතිකාර සඳහා යළිත් කොළඹට පැමිණි බවත්, මේ වන විටත් ප්රතිකාර කටයුතු ආරම්භ කර ඇති බවත්, ශ්රී ලංකා ක්රිකට් ආයතනය පවසනවා.
මේ අතර, එම තරගයේදී ආබාධයට ලක් වූ නවසීලන්ත වේග පන්දු යවන ක්රීඩක, ලුකී ෆර්ගසන් ද තරගාවලියෙන් ඉවත් කර තිබෙනවා. ඔහු වෙනුවට කැඳවා ඇත්තේ, ඇඩම් මිල්නේ. ශ්රී ලංකාව සහ නවසීලන්තය අතර, පළමු එක්දින ක්රිකට් තරගය හෙට දඹුල්ල අන්තර් ජාතික ක්රිකට් ක්රීඩාංගනයේදී පැවැත්වීමට නියමිතයි.
