ශ්රී ලංකා ඕස්ට්රේලියා පළමු ටෙස්ට් තරගයේ තුන්වන දිනය අදයි. ඊයේ දිනයේ තරගය නතර කරන විට තම පලමු ඉනිම ක්රීඩා කරමින් සිටි ශ්රී ලංකා කණ්ඩායම කඩුලු 3ක් දැවී ලකුණු 44ක් ලබා සිටියා.
අද දින මුලු ලකුණු සංඛ්යාව 67ක් වෙද්දී සිව්වන කඩුල්ල ලෙස කමිඳු මෙන්ඩිස් දැවී ගියා ඒ ලකුණු 15ට. ඉන්පසු මුලු ලකුණු සංඛ්යාව 107 දී නායක ධනංජය සිල්වා දැවී ගියේ ලකුණු 22ක් ලබා සිටියදී.
ස්ථාවර ඉනිමක් දියත් කරමින් සිටින දිනේෂ් චන්දිමාල් නොදැවී ලකුණු 63ක් ලබාගෙන සිටිනවා.
තරගය දිවා ආහාරය සඳහා නතර කරන විට ශ්රී ලංකා කණ්ඩායම කඩුලු 5 ලකුණු 136ක් ලබාගෙන සිටිනවා. ඒ අනුව ශ්රී ලංකා කණ්ඩායම තවත් ලකුණු 518ක් පසු පසින් සිටිනවා.
