ඉන්දියාවේ පැවැත්වෙන ආසියානු ලෙජන්ඩ් ලීග් තරගාවලියේ පළමු එලිමිනෙටර් තරගය ඊයේ පැවැත්වුණු අතර එම තරගයෙන් ලකුණු 26ක ජයක් ලැබීමට ශ්රී ලන්කන් ලයන්ස් කණ්ඩායම සමත් වුණා. ඒ ඇෆ්ගන් පතාන්ස් කණ්ඩායමට එරෙහිවයි.
මෙම තරගයේ කාසියේ වාසිය දිනූ ශ්රී ලංකන් ලයන්ස් කණ්ඩායම මුලින්ම පන්දුවට පහර දී කඩුලු 3ක් දැවී ලකුණු 230ක් රැස් කළා.
අති විශිෂ්ට පිතිහරඹයක නියැළුණු නායක තිසර පෙරේරා පන්දු 36ට නොදැවී ලකුණු 108ක් ලබාගත්තා.
ශ්රී ලංකා ඉනිමේ අවසන් පන්දුවාරයට පිට පිට හයේ පහර හයක් එල්ල කිරීමට ඊයේ තිසර සමත් වුණු අතර වයිඩ් පන්දු තුනක් සමගින් අවසන් පන්දුවාරයට ලකුණු 39ක් රැස් කළා. මෙම ප්රහාරයට ලක්වූයේ ඇෆ්ගන් කණ්ඩායමේ අයාන් කාන් නම් පන්දුයවන්නාය.
මෙවන් ප්රනාන්දු නොදැවී ලකුණු 81යි.
පිලිතුරු වශයෙන් ඇෆ්ගන් පතාන්ස් කණ්ඩායමට ලබාගත හැකිවූයේ ලකුණු 204ක් පමණයි.
මේ තරගාවලියට ශ්රී ලංකා කණ්ඩායම වෙනුවෙන් ටී.එම්.ඩිල්ශාන්, තිසර පෙරේරා, විකුම් සංජය ලහිරු ගමගේ, මලින්ද පුෂ්පකුමාර වැනි ක්රීඩකයන් සහභාගී වනවා.
