ඉන්දිය ප්‍රිමියර් ලීග් ක්‍රිකට් තරගාවලියේ රාජස්තාන් රෝයල්ස් කණ්ඩායම සමග ඊයේ පැවැති තරගය කඩුලු 07 කින් ජයගැනීමට ප්‍රතිවාදී දිල්ලි කැපිටල්ස් කණ්ඩායම සමත්වුණා. මෙම තරගයේදී පැතුම් නිශ්ශංක තම පළමු අයි.පී.එල් අර්ධ ශතකය ලබාගැනීමටද සමත්වුණා.
තරගය පැවැත්වුණේ ජායිපූර් හිදී. පළමුවෙන් පන්දුවට පහරදුන් රාජස්තාන් රෝයල්ස් කණ්ඩායම පන්දුවාර 20 ඇතුළත කඩුලු 06 ක් දැවී ලකුණු 225 ක් රැස්කළා.
වැඩිම ලකුණු ලාභියා වූ රියාන් පරාග් පන්දු 50 කදී රැස්කළ ලකුණු සංඛ්‍යාව 90 ක්. ඔහුගේ ඉනිමට 04 පහර 08 ක් සහ 06 පහර 05 ක් ඇතුළත්.
පන්දු යැවීමේ දී මිචෙල් ස්ටාක් කඩුලු 03 ක් බිඳහෙලුවා. පිළිතුරු ඉනිම ආරම්භ කළ දිල්ලි කැපිටල්ස් කන්ඩායම පන්දුවාර 19 යි පන්දුවකදී කඩුලු 3 ක් දැවී ලකුණු 226 ක් රැස්කරමින් තරගයේ ජය තමන් සතුකර ගැනීමට සමත්වුණා.
පැතුම් නිශ්ශංක පන්දු 33 කදී ලකුණු 62 ක් රැස්කළ අතර ඔහුගේ ඉනිමට 04 පහර 06 ක් සහ 06 පහර 03 ක් ඇතුළත්. කේ.එල්. රාහුල් ලකුණු 75 ක් ලබාගත්තා.
