ආසියානු කුසලානයේ බංග්ලාදේශය හා පාකිස්තානය අතර ඊයේ දින පැවති තරගයෙන් ලකුණු 11ක ජයක් ලැබීමට පාකිස්තානය සමත් වුණා.
කාසියේ වාසිය දිනූ බංග්ලාදේශය මුලින්ම පන්දු යැවීමට තීරණය කළා. ඒ අනුව, මුලින්ම පන්දුවට පහර දුන් පාකිස්තාන කණ්ඩායම නියමිත පන්දුවාර 20 අවසානයේ ලබාගත්තේ කඩුලු 8ට ලකුණු 135ක් පමණයි.
මොහොමඩ් හැරිස් ලකුණු 31යි. මොහොමඩ් නවාස් ලකුණු 25යි. පන්දු යැවීමේදී ටස්කින් අහමඩ් කඩුලු 3ක්, මෙහෙදි හසන් කඩුලු 2ක් හා රිෂාඩ් හුසේන් කඩුලු 2ක් දවාගත්තා.
පිලිතුරු ඉනිම ක්රීඩා කළ බංග්ලාදේශ කණ්ඩායමට ලබාගැනීමට හැකිවුණේ කඩුලු 9ක් දැවී ලකුණු 124ක් පමණයි. ෂමීම් හුසේන් ලකුණු 30යි. පන්දු යැවීමේදී පාකිස්තානය වෙනුවෙන් ශහීන් ෂා අෆ්රීඩි කඩුලු 3ක්, හැරිස් රාවුෆ් කඩුලු 3ක් හා සයීම් අයූබ් කඩුලු 2ක් දවගැනීමට සමත් වුණා.
ඒ අනුව අවසන් පූර්ව තරගයක මුහුණුවරක් ගත් මෙම තරගය ලකුනු 11කින් ජයගත් පාකිස්තානය එළඹෙන ඉරිදා ඉන්දියාව සමග අවසන් මහාතරගයට තරග වැදීමට සූදානම්.
මෙවර ආසියානු කුසලානයේ සුපිරි 4 වටයේ අවසන් තරගය අද ඉන්දියාව හා ශ්රී ලංකාව අතර පැවැත්වීමට නියමිතයි. තරගය ආරම්භවන්නේ ශ්රී ලංකා වේලාවෙන් පස්වරු 8ට යි.
