සෞඛ්යය හා ජනමාධය අමාත්යංශය නියෝජනය කරන ක්රිකට් කණ්ඩායම වන “ඇසිදිසි” ක්රිකට් කණ්ඩායම මේ මස 16 වෙනිදා ආරම්භවීමට නියමිත ක්රිකට් තරගාවලියක් සඳහා ඉන්දියාව බලා පිටත්වීමට නියමිතයි.
මේ මස 16 වෙනිදා සිට 21 වෙනිදා දක්වා පැවැත්වීමට නියමිත තරගාවලිය සංවිධානය කරනු ලබන්නේ ඉන්දියාවේ Great Cricket Steps Association සංවිධානය විසිනුයි.
South Asian Great Cricket Steps Senior Men’s Championship ලෙසින් නම්කොට ඇති මෙම තරගාවලිය 20-20 තරගාවලියක් ලෙස ආන්ද්රා ප්රදේශ් හීදී පැවැත්වීමට නියමිතයි.
2007 වසරේදී සැහැල්ලු පන්දු කණ්ඩායමක් ලෙස ආරම්භ වූ “ඇසිදිසි” ක්රිකට් කණ්ඩායම 2016 දී ලෙදර් කණ්ඩායමක් බවට පත්වී 2023 වසරේදී F කාණ්ඩයෙන් රාජ්ය සේවා ශූරයන්ද, 2024 වසරේදී E කාණ්ඩයේ රාජ්ය සේවා සම ශූරයන්ද, 2025 වසරේ D කාණ්ඩයේ රාජ්ය සේවා අනුශූරයන් බවටද පත් විය.
එසේම මෙම කණ්ඩායම 2017 වසරේදී ඉන්දියාවේ මෙන්ම 2018 හා 2019 වසරවල මැලේසියාවේද තරග සඳහා සංචාර වලට සහභාගී වී ජයග්රහණ ලබා ඇත.
ඇසිදිසි කණ්ඩායමේ මෙවර ඉන්දියානු සංචාරය සඳහා ප්රධාන අනුග්රහය Litro Gas Lanka Limited ආයතනයත්, සහයෝගිතා අනුග්රාහකත්වය Green Life Plantation ආයතනයත්, වෛද්ය සැපයුම් අනුග්රාහකත්වය Slim pharmaceutical (Pvt) LTD ආයතනයත්, ක්රීඩාභාණ්ඩ සඳහා අනුග්රාහකත්වය The Chance Sports ආයතනයත් ලබාදීමට සූදානමින් සිටියි.
