දකුණු අප්‍රිකාව හා එංගලන්තය අතර ඊයේ පැවති දෙවන එක්දින තරගය ලකුණු 5කින් ජයගැනීමට දකුණු අප්‍රිකාව සමත් වුණා. ඒ ලකුණු 330ක ඉලක්කයක් ආරක්ෂා කරගනිමින්.
එංගලන්තයේ ආරධනයෙන් මුලින්ම පන්දුවට පහරදුන් දකුණු අප්‍රිකානු කණ්ඩායම පන්දුවාර 50 අවසානයේ කඩුලු 8ක් දැවී ලකුණු 330ක් ලබාගත්තා.
ද. අප්‍රිකානු කණ්ඩායම වෙනුවෙන් මැතිව් බ්‍රීට්ස්කේ ලකුණු 85ක්, ට්‍රිස්ටන් ස්ටබ්ස් ලකූ 58ක් හා ඒඩ්න් මාක්‍රම් ලකුණු 49ක් ලබාගත්තා.
පන්දු යැවීමේදී එංගලන්තය වෙනුවෙන් ජොෆ්‍රා ආචර් කඩුලු 4ක් බිඳ හෙලූ අතර අඩිල් රෂීඩ් කඩුලු 2ක් ලබාගත්තා.
ලකුණු 330ක දැවැන්ත ලකුණු පුවරුවක් හඹාගිය එංගලන්ත කණ්ඩායම පන්දුවාර 50 අවසානයේ කඩුලු 9ක් දැවී ලකුණු 325ක් ලබාගත්තද, අවසන් පන්දුවාරයේදී තරගය ගැනීමට අවශ්‍ය වූ ලකුණු 16 ලබාගැනීමට එංගලන්තයේ අවසන් පිතිකරුවන් යුගලයට හැකියාව ලැබුණේ නැහැ, ඔවුන්ට ලබාගැනීමට හැකිවුණේ ලකුණු 10ක් පමණයි.
එඅංගලන්ත් ඉනිම සඳහා ජෝ රූට් හා ජොස් බට්ලර් ලකුණු 61 බැගින් ලබාග්ත් අතර ජේකබ් බෙතල් ලකුණු 58ක් ලබාගත්තා. පන්දු යැවීමේදී නන්ද්‍රේ බර්ගර් කඩුලු 3ක් හා කෙෂව් මහරාජ් කඩුලු 2ක් ලබාගත්තා.
ඒ අනුව තරග තුනකින් සමන්විත දෙරට අතර මෙම එක්දින තරගාවලිය 2-0ක් ලෙස තවත් තරගයක් ඉතිරිව තිබියදී ජයගැනීමට දකුණු අප්‍රිකාව සමත් වුණා.
තරගයේ වීරයා මැතිව් බ්‍රීට්ස්කේ.
