ශ්‍රී ලංකා ක්‍රිකට් කණ්ඩායමේ පාකිස්තානු සංචාරයේ ඉතිරි තරග සියල්ල ක්‍රීඩා කිරීම සඳහා කණ්ඩායමේ ක්‍රීඩකයන් හා කලමාණාකාරීත්වය කැමැත්ත පලකොට ඇත.
පාකිස්තානු කන්ඩායම සමග පලමු එක්දින තරගය ආරම්භවීමට මොහොතකට පෙර ඉස්ලමාබාද් හී සිදුවූ බෝම්බ ප්‍රහාරයක් නිසා ක්‍රීඩකයන්ගේ ආරක්ෂාවට තර්ජනයක් ඇති වුණා.
පාකිස්තානු ක්‍රිකට් ආයතනය හා එරට අදාල බලධාරීන් විසින් ක්‍රීඩකයන්ගේ ආරක්ෂාව සුරක්ෂිත යැයි ඒත්තු ගැන්වීමෙන් පසු පාකිස්තානු සංචාරයේ සියලු තරග ක්‍රීඩා කිරීමට ශ්‍රී ලංකා කණ්ඩායම කැමැත්ත ප්‍රකාශ කොට ඇත.
ඒ අනුව පාකිස්තානු කන්ඩායම සමග එක්දින තරග දෙකක් හා විස්සයි විස්ස තුන්කොන් තරගාවලිය සඳහා ශ්‍රී ලංකාව සහභාගී වීමට නියමිතයි.
