දකුණු අප්‍රිකානු කණ්ඩායමේ ඉන්දියානු සංචාරයේ විස්සයි 20 තරගාවලිය ඊයේ (09) කටක් හීදී ආරම්භ වුණා. එම තරගයෙන් ලකුණු 101ක දැවැන්ත ජයක් ලැබීමට ඉන්දීය කණ්ඩායම සමත් වුණා.
පළමුවෙන් පන්දුවට පහර දුන් ඉන්දීය කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 175ක් ලබාගත්තා.
හර්දික් පාන්දියා විසින් වේගවත් ඉනිමක් දියත් කරමින් පන්දු 28ට ලකුණු 59ක් ලබාගත්තා. පන්දු යැවීමේදී ලුන්ගි එන්ගිඩි කඩුලු 3ක් හා ලුතෝ සිපම්ලා කඩුලු 2ක් දවාගත්තා.
පිලිතුරු ඉනිම ක්‍රීඩා කළ දකුණු අප්‍රිකානු කණ්ඩායම දැක්වූ දුර්වල පිතිකරණය නිසා, පන්දුවාර 12යි පන්දු 3ට ලකුණු 74ක් ලබාසිටියදී සියලු කඩුලු දැවී ගියා.
දකුණු අප්‍රිකානු ඉනිමේ වැඩිම ලකුණුලාභියා වූ ඩෙවල්ඩ් බ්‍රෙවිස් ලකුණු 22ක් ලබාගත්තා. ඉන්දියාව වෙනුවෙන් අර්ශ්දීප් සිං, ජස්ප්‍රීත් බුම්රා, වරුන් චක්‍රවර්තී හා අක්සාර් පටෙල් කඩුලු 2 බැගින් දවාගත් අතර හර්දික් පාන්ඩියා හා ශිවම් ඩුබේ එක් කඩුල්ල බැගින් දවාගත්තා.
ඒ අනුව තරග 5කින් සමන්විත විස්සයි 20 තරගාවලියේ පළමු තරගය ලකුණු 101කින් ජයගැනීමට සමත් වුණා.
පන්දුවෙන් හා පිත්තෙන් දස්කම් දැක්වූ හර්දික් පාණ්ඩියා තරගයේ වීරයා ලෙස නම් කෙරුණා.
