බටහිර ඉන්දීය කොදෙව් කණ්ඩායම හා නවසීලන්තය අතර ලෝක ටෙස්ට් ශූරතාවයට සමගාමීව පවත්වනු ලබන තරග 3කින් සමන්විත ටෙස්ට් තරගාවලියේ දෙවන ටෙස්ට් තරගය කඩුලු 9කින් ජයගැනීමට නවසීලන්තය සමත් වුණා.
මුලින්ම පන්දුවට පහරදුන් බටහිර ඉන්දීය කොදෙව් කණ්ඩායම සිය පළමු ඉනිමට ලකුණු 205ක් ලබාගත්තා. ෂේ හෝප් ලකුණු 47ක් හා ජෝන් කැම්බල් ලකුණු 44ක් ලබාගත්තා. නවසීලන්තය වෙනුවෙන් බ්ලෙයාර් ටික්නර් කඩුලු 4ක් හා මයිකල් රේ කඩුලු 3ක් ලබාගත්තා.
නවසීලන්ත කණ්ඩායම සිය පළමු ඉනිමට කඩුලු 9ක් දැවී ලකුණු 278ක් ලබාසිටියදී ඉනිම අත්හිටවූවා. මිචෙල් හේ ලකුණු 61ක් ඩෙවෝන් කොන්වේ ලකුණු 60ක් ලබාගත්තා. කොදෙව් කණ්ඩායම වෙනුවෙන් ඇන්ඩර්සන් ෆිලිප්ස් කඩුලු 3ක් හා කෙමාර් රෝච් කඩුලු 2ක් දවාහත්තා.
කොදෙව් කණ්ඩායම සිය දෙවනි ඉනිමට ලබාගත්තේ ලකුණු 128ක් පමණයි. කැවම් හොජ් ලකුණු 35ක් හා ජස්ටින් ග්‍රීව්ස් ලකුණු 25ක් ලබාගත්තා. ජේකබ් ඩෆී කඩුලු 5ක් හා මයිකල් රේ කඩුලු 3ක් දවාගත්තා.
ඒ අනුව නවසීලන්ත කන්ඩායමට ජයග්‍රහණය සඳහා අවශ්‍යය වූයේ ලකුණු 56ක් පමනයි. එක් කඩුල්ලක් පමණක් දැවී පන්දුවාර 10ක් අවසානයේදී ජයග්‍රහණය ලබාගැනීමට නවසීලන්තය සමත් වුණා.
ඒ අනුව තරග 3කින් සමන්විත මෙම ටෙස්ට් තරගාවලිය තරග 1-0ක් ලෙස පෙරමුණ ගැනීමට නවසීලන්තය සමත් වුණා. තරගයේ වීරයා ජේකබ් ඩෆී.
