ලෝක කුසලාන 20/20 ක්රිකට් තරගාවලියයේ ශූරතාව අඛණ්ඩව දෙවැනි වරටත් හිමි කර ගැනීමට ඉන්දියාව අද සමත් වුණා.
ඒ අවසන් තරගයේදී නවසීලන්තය ලකුණු 96 කින් පරාජය කරමින්.
ඉන්දියාවේ අහමදාබාද් හිදී පැවැති අවසන් තරගය නැරඹීමට අති විශාල ප්රේක්ශක පිරිසක් ක්රීඩාංගණයට පැමිණ සිටියා.
තරගයේ කාසියේ වාසිය හිමි කර ගත් නවසීලන්තය පළමුවෙන් පන්දුවට පහරදීමේ අවස්තාව ඉන්දියාවට ලබා දුන්නා.
ඒ අනුව ඉන්දියාව පන්දුවාර 20 ඇතුලත කඩුලු 5 ක් දැවී ලකුණු 255 ක් රැස්කළා.
සංජු සැම්සන් පන්දු 46 කදී ලකුණු 89 ක් ලබා ගත්තේ 4 පහර 5 ක් සහ 6 පහර 8 ක් සමග.
ඉශාන් කිශන් ලකුණු 54 ක් සහ අභිශේක් ශර්මා ලකුණු 52 ක් රැස් කලා.
ජේම්ස් නීශම් කඩුලු 3 ක් දවා ගත්තා.
තරගයේ ජය ගැනීම සඳහා ලකුණු 256 ක් ඉලක්කයක් සමඟ නවසීලන්ත ඉනිම ආරම්භ කලේ ටිම් සීෆර්ට් සහ ෆින් ඇලන්.
නවසීලන්ත කණ්ඩායමේ පළමු කඩුලු 5 ලකුණු 72 ක් තුල දැවී ගියා
ටිම් සීෆර්ට් ලකුණු 52 යි.
මිචෙල් සැන්ට්නර් ලකුණු 43 ක් ලබා ගත්තා.
නවසීලන්තය පන්දුවාර 19 කදී සියලු ක්රීඩකයින් දැවී දැවී රැස් කලේ ලකුණු 159 ක් පමණයි.
පන්දු යැවීමෙදී ජස්ප්රිට් බුම්රා කඩුලු 4 ක් සහ ඇක්සර් පටෙල් කඩුලු 3 ක් දවා ගත්තා.
එම ජයග්රහණයත් සමඟ ඉන්දියාව 20/20 ලෝක ක්රිකට් කිරුළ හිමි කරගත් අතර ඔවුන් මෙම ශුරතාව හිමි කර ගත් තුන්වැනි අවස්ථාව මෙයයි.
