පොදු රාජ්ය මණ්ඩලයීය ක්රීඩා උලෙළේ මීටර 100 ධාවන ඉසව්වේ මූලික වටයේ තරග අද පැවැත්වුණා. එහිදි ශ්රී ලංකාවේ දිනෙත් ඉඳුවර තම පෞද්ගලික හොඳම දක්ෂතාව වාර්තා කිරීම විශේෂත්වයක්.
මීටර 100 ධාවන ඉසව්වේ මූලික වටයේ තරග 11 ක් පැවැත්වුණා. දිනෙත් ඉඳුවර සහභාගි වුණේ තුන්වැනි මූලික තරගයටයි. එහිදි තත්පර 10.33 ක කාලයක් වාර්තා කරමින් ඔහු තුන්වැනි ස්ථානය හිමිකරගත්තා. එය ඔහු තම ක්රීඩා දිවියේදි වාර්තා කළ හොඳම කාලයයි.
එම ඉසව්වේ අටවන මූලික තරගයට සහභාගි වූ චමෝද් යෝධසිංහ තරගය නිමා කළේ තුන්වැන්නා ලෙසයි. ඔහු තරගය අවසන් කළේ තත්පර 10.45 ක කාලයක් වාර්තා කරමින්.
