ඕස්ට්‍රේලියාව හා අප්‍රිකාව අතර තරග තුනකින් සමන්විත ටෙස්ට් තරගාවලියේ පළමු තරගය ඊයේ අරම්භ වුණා. දකුණු අප්‍රිකාව පළමු ඉනිම සඳහා සියලු දෙනා දැවී ලකුණු 329යි.
කාසියේ වාසිය දිනූ ඕස්ට්‍රේලියානු නායක පැට් කමින්ස් මුලින්ම පන්දු යැවීමට තීරණය කළේය. දකුණු අප්‍රිකානු ආරම්භක පිතිකරුවන් වන මාකස් ඇකර්මන් (ලකුණු 95) සහ ඒඩන් මාක්‍රම් (ලකුණු 78) ලකුණු 158ක ප්‍රබල සබඳතාවක් ගොඩනගමින් සාර්ථක ආරම්භයක් ලබා දුන්නා,
කෙසේ වෙතත්, ශතක ආසන්නයේදී මෙම පිතිකරුවන් දෙදෙනා දැවී යාමත් සමඟ දකුණු අප්‍රිකානු මැද පෙළ කඩිනමින් කඩා වැටුණා.
පසුව මාර්කෝ ජැන්සන් (ලකුණු 52) සහ රයන් රිකල්ටන් එකතුවී ලකුණු 95ක සබඳතාවක් පවත්වමින් ඉනිම ගොඩනැගීමට උත්සාහ කළා.
ඕස්ට්‍රේලියාව වෙනුවෙන් අතිවිශිෂ්ට පන්දු යැවීමක නිරත වූ වේග පන්දු යවන ක්‍රීඩක මිචෙල් ස්ටාර්ක් (Mitchell Starc) ලකුණු 72කට කඩුලු 6ක් දවාගත් අතර, නේතන් ලියොන් (Nathan Lyon) කඩුලු 2ක් දවාගත්තා.
