2026 යොවුන් ඔලිම්පික් ක්‍රීඩා උලෙළ සෙනගල් හිදී ඊයේ ආරම්භ කෙරුණා. ඊට ශ්‍රී ලංකාව නියෝජනය කරමින් ක්‍රීඩක ක්‍රීඩිකාවන් 05 දෙනෙකු සහභාගී වනවා.
යොවුන් ඔලිම්පික් ක්‍රීඩා උලෙළේ සමාරම්භක උත්සවය සෙනගල් සංස්කෘතික අංග රැසකින් වර්ණවත් වුණා.
රටවල් 205 ක් නියෝජනය කරමින් ක්‍රීඩක ක්‍රිඩිකාවන් 2654 දෙනෙකු ක්‍රීඩා උලෙළට සහභාගී වනවා.
ක්‍රීඩා 25 ක් යටතේ තරග ඉසව් 151 ක් ක්‍රීඩා උලෙළට ඇතුළත්.
ශ්‍රී ලංකාව නියෝජනය කරමින් ලහිරු අචින්ත මීටර 1500 ධාවන ඉසව්වට සහභාගී වන අතර ජූලි හෝප්ස් සහ තාරික් බ්ලර්ක් පිහිණුම් තරග ඉසව් සඳහා එක්වනවා. නෙත්මි රත්නායක බැඩ්මින්ටන් ඉසව්වටත්, අෂේන් පුංචිහේවා ටයිකොන්ඩෝ ඉසව්වටත් සහභාගීවීමට නියමිතයි. ක්‍රීඩා උලෙළ නිමාවන්නේ ලබන 31 වැනි දිනයි.
