ලංකා ප්රිමියර් ලිග් 20-20 තරගාවලියේ දෙවන තරගය ජය ගැනීමට දඹුල්ල සික්සස් කණ්ඩායම සමත්වුණා. ඒ කැන්ඩි රෝයල්ස් කණ්ඩායම ලකුණු 18කින් පරාජය කරමින්.
කොළඹ SSC ක්රීඩාංගණයේදී පැවති තරගයේ පළමුවෙන් පන්දුවට පහරදුන් දඹුල්ල සික්සස් කණ්ඩායම පන්දුවාර 20 ඇතුලත කඩුලු 6ක් දැවී ලකුණු 205ක් රැස් කළා.
රීසා හෙන්ඩ්රික්ස් නොදැවී ලකුණු 87යි. පන්දු 50කදී ගොඩනැගුනු ඔහුගේ ඉනිමට 4 පහර 11ක් සහ 6 පහර 2ක් ඇතුලත්. ගුල්බඩීන් නයිබ් නොදැවී ලකුණු 46යි.
පන්දු යැවීමේදී නුවන් තුෂාර සහ දුෂාන් හේමන්ත කඩුලු 02 බැගින් දවාගත්තා.
පිළිතුරු ලෙස කැන්ඩි රෝයල්ස් කණ්ඩායමට පන්දුවාර 20 ඇතුලත කඩුලු 06ක් දැවී රැස්කිරීමට හැකිවූ ලකුණු සංඛ්යාව 188ක්.
ඩෙල් පිලිප්ස් ලකුණු 52ක් ලබාගත් අතර ලහිරු උදාර ලකුණු 44යි. විජය ශංකර් ලකුණු 41ක් රැස් කළා.
පන්දු යැවීමේදී මොහොමඩ් වසීම් සහ ගුල්බඩීන් නයිබ් අතර කඩුලු 02 බැගින් බෙදී ගියා.
