2026 ලෝක කුසලානයේ අවසන් පූර්ව වටයට සහභාගී වීම සඳහා ශ්රී ලංකා කණ්ඩායම සුදුසුකම් ලැබීමට සමත් වුණේ නැහැ. ඒ සුපිරි 8 වටයේ පලමු තරග දෙක එංගලන්තයට හා නවසීලන්තයට පරාජය වීමත් සමගයි.
කෙසේ වෙතත්, ශ්රී ලංකා කණ්ඩායම මෙවර ලෝක කුසලානයේ තරගවඳින අවසන් තරගය අද පාකිස්තානයට එරෙහිව පල්ලෙකැලේ ක්රීඩාංගණයේදී රාත්රී 7ට ආරම්භවීමට නියමිතයි.
ඊයේ දින එංගලන්තය හා නවසීලන්තය අතර පැවති තරගයෙන් එංගලන්තය කඩුලු 4ක ජයක් ලැබීමට සමත් වුණා. ඒ අනුව අද තරගය පාකිස්තානයට ඉතාමත් තීරණාත්මකයි. නවසීලන්තයේ ඊයේ දින පරාජයත් සමග අද පැවැත්වෙන තරගයේ ප්රතිඵලය පාකිස්තානයටත්, නවසීලන්තයටත් තීරණාත්මකයි.
අද තරගය පාකිස්තානය ජයගත හොත් ඔවුන්ද නවසීලන්තය මෙන්ම ලකුණු 3ක් බවට පත්වෙන අතර දළ ලකුණු වේගය මත මීලඟ වටයට යන කණ්ඩායම තීරනය වීමට නියමිතයි.
අද තරගය ශ්රී ලංකාව ජය ගත හොත් පාකිස්තානය තරගාවලියෙන් ඉවත්වී නවසීලන්තය මීළඟ වටයට සුදුසුකම් ලබයි.
