සංචාරක බංග්ලාදේශ කණ්ඩායම සහ ශ්රී ලංකා කණ්ඩායම අතර පැවැත්වෙන තරග දෙකකින් සමන්විත ටෙස්ට් ක්රිකට් තරගාවලියේ දෙවැනි තරගයේ තුන්වැනි දින්ය් අදයි.
තරගය කොළඹ එස් එස් සී පිටියේදී පැවැත්වෙනවා.
ඊ යේ දෙවැනි දිනය අවසන් වන විට ශ්රී ලංකා කණ්ඩායම කඩුලු 2ක් දැවී ලකුණු 290ක් බලා ප්රබල ස්ථානයක පසු වනවා.
ඒ අනුව මේ වන විට ශ්රී ලංකාව බංග්ලාදේශයට වඩා ලකුණු 43ක් ඉදිරියෙන් පසුවනවා..
ශ්රී ලංකාව වෙනුවෙන් පන්දුවට පහර දීමේ දී ආරම්භ පිතිකරු පැතුම් නිස්සංක නොදැවී ලකුණු 146ක් ලබා සිටිනවා.
ඔහුට අනගි සහායක් ලබා දුන් දිනේෂ් චන්දිමාල් ශ්රී ලංකා ඉනිම වෙනුවෙන් ලකුණු 93ක් රැස් කළා.
පැතුම් නිස්සංක සමගින් දෙවන කඩුල්ලට ලකුණු 194ක අගනා සබඳතාවක් පැවැත් වූ ඔහු අවාසනාවන්ත ලෙස දැවී ගියේ සිය ටෙස්ට් ක්රිකට් දිවියේ 17වන ශතකයට ලකුණු 7ක් පසුපසින් තිබියදීයි..
ඔහු 2022 වසරේදී ගාල්ලේ පැවති තරගයදී පාකිස්තානයට එරෙහිව නොදැවී ලකුණු 94ක් රැස්කිරීම හැරෙන්න, මීට පෙර කිසිදු අවස්ථාවක ටෙස්ට් තරගයකදී ලකුණු 90-99ත් අතරදී දැවීගොස් නොතිබීම විශේෂත්වයක්. ආරම්භක පිතිකරු ලහිරු උදාර ලකුණු 40ක් ලබා ගත්තා..
නොදැවී කඩුල්ලේ රැඳී සිටින්නේ පැතුම් නිස්සංක සමගින් ප්රභාත් ජයසූරියයි.
පන්දු යැවීමේ දී බංග්ලාදේශ කණ්ඩායම වෙනුවෙන් තයිජුල් ස්ලාම් හා නයිම් හසන් එක් කඩුල්ල බැගින් බිඳ හෙලුවා. හෙට තරගයේ තුන්වැනි දිනයයි.
