නවසීලන්ත කාන්තා ඒ කණ්ඩායම සමග පැවති දෙවැනි පන්දුවාර 20/20 ක්රිකට් තරගය ශ්රී ලංකා කාන්තා ඒ කණ්ඩායම ලකුණු 56කින් ජයගත්තා.
රංගිරි දඹුල්ල ජාත්යන්තර ක්රිකට් ක්රීඩාංගනයේදී පැවති තරගයේ පළමුවෙන් පන්දුවට පහර දුන් ශ්රී ලංකා ඒ කණ්ඩායම පන්දුවාර 20 තුළ කඩුලු 5ක් දැවී රැස් කළ ලකුණු සංඛ්යාව 152ක්.
විශ්මි ගුණරත්න නොදැවී ලකුණු 57ක් රැස් කළා.
ලකුණු 153ක ඉලක්කයක් හඹා යාමට පිටියට පිවිසි නවසීලන්ත ඒ කණ්ඩායමට පන්දුවාර 19යි පන්දු 5ක් තුළ සියල්ලන් දැවී රැස් කිරීමට හැකි වුණේ ලකුණු 96ක් පමණයි.
පන්දු යැවීමේදී දෙව්මි විහංගා කඩුලු 3ක් දවා ගත්තා.
ඒ අනුව තරග 2ට 0ක් ලෙස තරගාවලියේ පෙරමුණ ගැනීමට ශ්රී ලංකා ඒ කණ්ඩායම සමත් වුණා.
